پیسہ لٹا کر کتنا دکھاوا کرنا چاہتے ہیں۔۔ معاذ صفدر کے رجب بٹ کے انداز میں نوٹ اڑانے پر صارفین نے آڑے ہاتھوں لے لیا

معاز صفدر، جو پاکستان کے ڈیجیٹل اسپیس میں ایک مشہور نام ہیں، نہ صرف یوٹیوب پر کامیابی کے جھنڈے گاڑ چکے ہیں بلکہ انسٹاگرام پر بھی ان کے فالوورز کی تعداد لاکھوں میں ہے۔ اپنی ڈیلی فیملی وی لاگنگ سے لوگوں کو متاثر کرنے والے اس نوجوان نے TikTok سے اپنا کیریئر شروع کیا اور آج لاکھوں دلوں پر راج کر رہے ہیں۔

حال ہی میں، ان کی فیملی کی شادی کی قوالی رات کی ایک ویڈیو انٹرنیٹ پر چھائی ہوئی ہے۔ ویڈیو میں معاز صفدر کو رجب بٹ کے مخصوص انداز میں نوٹ اچھالتے دیکھا جا سکتا ہے، جس پر سوشل میڈیا صارفین کی دلچسپ اور تنقیدی تبصرے جاری ہیں۔

مشہور یوٹیوبر رجب بٹ کی شادی نے گزشتہ دنوں کافی دھوم مچائی تھی، جہاں ان کے پیسے پھینکنے کے انداز نے خاصی توجہ حاصل کی۔ تاہم، ان کی شادی کے بعد معاز صفدر کے اس طرز کو اپنانے نے انہیں سوشل میڈیا پر تنقید کا شکار بنا دیا ہے۔

معاز کے فینز اور ناقدین دونوں نے ان کی اس ویڈیو پر ملے جلے ردعمل دیے ہیں، کچھ اسے مذاق کا رنگ دے رہے ہیں اور کچھ اسے 'اورجینلٹی' کی کمی قرار دے رہے ہیں۔

دلچسپ بات یہ ہے کہ رجب بٹ نے اپنی شادی میں بڑی رقم خرچ کر کے سرخیوں میں جگہ بنائی تھی، اور یہی انداز جب معاز نے اپنایا تو ان پر بھی سوالات اٹھائے گئے۔ تاہم، اس ساری صورتحال نے سوشل میڈیا کو نیا موضوع فراہم کر دیا ہے۔