وائرل گرل نمرہ علی اب ایک شوٹ کے کتنے لاکھ لیتی ہیں؟ خود بتا کر سب کو چونکا دیا

How Much Nimra Ali Charges For A Shoot

"میں انفلوئنسر کے طور پر ہی اپنی جاب پر فوکس کرتی ہوں۔ ساتھ ساتھ یونیورسٹی کی پڑھائی بھی کر رہی ہوں۔ مختلف برانڈز کے ساتھ کام کیا ہے اور کئی برائیڈل شوٹس بھی کی ہیں۔ یہ میں بتا سکتی ہوں کہ ایک شوٹ کے کم از کم ایک لاکھ روپے چارج کرتی ہوں۔"

یہ باتیں کہیں سوشل میڈیا پر اپنی معصوم اور چلبلی شخصیت کے باعث شہرت پانے والی نمرہ علی نے، جو حال ہی میں ہینا نیازی کے شو میں بطور مہمان شریک ہوئیں۔

نمرہ علی نے اپنی گفتگو میں بتایا کہ کس طرح وہ صرف ایک اسٹریٹ انٹرویو سے مشہور ہوئیں اور آج انسٹاگرام پر ان کے تین لاکھ سے زیادہ فالوورز ہیں۔ انہوں نے یہ بھی بتایا کہ کس طرح وہ یوٹیوب ویڈیوز بناتی ہیں اور اپنے گھر والوں کا سہارا بننے کے لیے دن رات محنت کر رہی ہیں۔

انہوں نے مزید انکشاف کیا کہ مختلف سیلونز ان کے پاس اپنی مہمات کے لیے آتے ہیں اور وہ برانڈ کے سائز اور مارکیٹ ویلیو کے مطابق اپنی فیس طے کرتی ہیں۔ ان کا کہنا تھا کہ عام طور پر کوئی بھی انفلوئنسر اپنی اصل فیس نہیں بتاتا، لیکن وہ کھل کر بتا رہی ہیں کہ ایک شوٹ کی قیمت کم از کم ایک لاکھ روپے ہے۔

نمرہ علی کی یہ صاف گوئی نہ صرف ان کی محنت اور پروفیشنل اپروچ کو ظاہر کرتی ہے بلکہ یہ بھی بتاتی ہے کہ آج کی نوجوان نسل کس طرح اپنے خوابوں کو حقیقت میں بدل رہی ہے۔