کمزور اور لاغر افراد کے لئے زبردست شیک ۔۔۔ ایک ماہ میں 10 پاؤنڈز وزن بڑھائیں

کیا آپ کو بھی لگتا ہے کہ آپ کا وزن نہیں بڑھ رہا یا آپ کے بچے کمزور اور لاغرہیں۔ کیا آپ کہیں آنے جانے میں اپنی جسمانی ساخت کی وجہ سے شرمندگ محسوس کرتے ہیں ۔ آپ اپنا وزن بڑھانا چاہتی ہیں وہ بھی بہت صحت مند انداز سے، تو یہ ریسیپی آپ کے لئے ہی ہے۔ ایسے بچے یا بڑوں کے لئے جن کا وزن نہیں بڑھتا۔ اور وہ بے تاب ہیں اپنا وزن بڑھانے کے لئے ہم ایسا ایک شیک لائے ہیں جو آپ کو ایک گلاس میں 1000 کیلوریز دے گا۔ اور اس کو روزانہ استعمال کر کے آپ تقریباً 10 پاؤنڈز وزن بڑھا سکتے ہیں۔ اور یہ بہت صحت مند چیزوں پر مشتمل شیک ہے۔ اسے تین وقت کھانے کے علاوہ اپنے اسنیک ٹائم میں پینا ہے۔

اس کے لئے آپ کو چاہیے:

دودھ ایک گلاس(250 ملی لیٹر)(150 کیلوریز)
جو کا دلیہ(انسٹنٹ کوئیک اوٹ) 50 گرام(190 کیلوریز)
کیلے 3عدد(چھوٹے) (178 کیلوریز)
پی نٹ بٹر 2 کھانے کے چمچ(180 کیلوریز)
کھجور 6 عدد 50 گرام(141 کیلوریز)
بادام یا مونگ پھلی 30 گرام (169 کیلوریز)
ان سب چیزوں کو بلینڈر میں ڈال کر بلینڈ کر لیں۔ یہ مزیدار اور لذیذ شیک تیار ہے ، اس میں بے انتہا غذائیت ہے۔ یہ آپ کوصحت مند کیلوریز فراہم کرتا ہے۔
اگر آپ اپنا وزن بڑھانا چاہتی ہیں اور آپ سے بہت سارا کھانا نہیں کھایا جاتا تو نہ کھائیں بلکہ ہر روز اپنے کھانے میں ایک ایک نوالہ بڑھاتی جائیں ۔ اس سے آپ کے جسم کو عادی ہونے میں آسانی بھی ہوگی اور آپ کے معدے پر بوجھ بھی نہیں پڑے گا۔