بیٹا نہیں تو باپ سے شادی کرلی! معصومہ بلکل معصوم نہیں۔۔ حریم فاروق 'بسمل' میں اپنے منفی کردار کا بتاتے ہوئے

بسمل ایک تازہ ترین ڈرامہ ہے جو حال ہی میں اے آر وائی ڈیجیٹل پر شروع ہوا ہے اور لوگ اسے کافی پسند کر رہے ہیں۔ ڈرامے میں نعمان اعجاز، سویرا ندیم اور حریم فاروق مرکزی کردار ادا کر رہے ہیں اور کہانی لالچی لڑکی کی ہے جو ایک امیر آدمی سے شادی کر رہی ہے۔

حریم فاروق اس میں منفی کردارادا کر رہی ہیں جو امیر آدمی سے شادی کر کے شاہانہ طرز زندگی اختیار کرنا چاہتی ہے۔ لوگ معصومہ (حریم) اور توقیر (نعمان اعجاز) کے دو کرداروں کو بہت منفی محسوس کر رہے ہیں۔ معصومہ پہلے تو بیٹے سے شادی کرنا چاہتی تھی لیکن پھر جب معاملات اس کی مرضی کے مطابق نہ ہوسکے تو والد کی طرف توجہ مرکوز کردی۔

حریم فاروق نے گڈ مارننگ پاکستان پر بسمل میں معصومہ کے کردار کے بارے میں بات کرتے ہوئے کہا کہ، جب انہوں نے اسکرپٹ پڑھا تو وہ حیران رہ گئیں کیونکہ معصومہ بالکل معصوم نہیں ہے۔

ان کا مزید کہنا تھا کہ، مجھے لگا کہ میں اس کردار کو نبھانے کے لیئے اپنے اندر موجود جتنی بھی منفی سوچ ہے اسے باہر نکال لوں گی لیکن ایسا نہ ہو سکا کیونکہ معصومہ کی سوچ کسی صورت مجھ سے میل نہیں کھاتی۔ مگر ٹیم کی محنت اور حوصلہ افزائی سے میں نے اس کردار کو اچھے سے کرنے کی پوری کوشش کی ہے۔