گرمی کے موسم میں کھجور کا استعمال نقصان دہ تو نہیں؟؟؟ جانیں

رمضان میں میں کھجور سے روزہ کھولنا سنتِ نبوی صلی اللّٰہ علیہ وآلہ وسلم ہے، ساتھ ہی یہ غذائیت سے بھر پور نعمت ہے، جو جسم سے خون کی کمی جو ختم کر کے صحت فراہم کرتا ہے۔
لیکن یہ کھجور تاثیر کے اعتبار سے گرم غذا ہے، تو ذہن میں سوال پیدا ہوتا ہے کہ گرم موسم میں کھجور کا استعمال کہیں نقصان دہ تو نہیں۔
اس سوال کا جواب آج ہم آپ کو دیں گے تاکہ آپ بلا جھجھک رمضان میں کھجور کا استعمال جاری رکھ سکیں، چاہے گرمی ہو یا سردی۔

گرمیوں میں کھجور کا استعمال:

ماہرین صحت کا کہنا ہے کہ کھجور کھانے سے جسم میں حرارت پیدا ہوتی ہے اور اس کا استعمال سردی میں زیادہ مفید ہے، لیکن گرمیوں میں اس کو کھانے میں بھی کوئی حرج نہیں ہے البتہ مقدار کا خیال رکھ کر کھائی جائے تو یہ نقصان دہ ثابت نہیں ہوگی۔

گرمیوں میں روزانہ کتنی کھجور کھائی جا سکتی ہیں؟؟

رمضان میں تو ہم روزانہ ہی سحر و افطار میں کھجور کھاتے ہیں، لیکن ضروری یہ ہے کہ اس کو کھانے کی مقدار کی حد کا خیال رکھا جائے تاکہ یہ نقصان دہ ثابت نہ ہو۔
دراصل گرمیوں میں صرف دو یا تین کھجوریں کھانا ہی صحت کے لیے بہتر ہے، اس سے زائد کھانے سے جسم میں حرارت پیدا ہو سکتی ہے ساتھ ہی یہ معدے میں درد کی وجہ بھی بن سکتی ہے۔
تو پھر رمضان میں کھانے پینے میں احتیاط کریں اور صرف 2 سے 3 کھجور کھا کر صحت متوازن رکھیں۔

کھجور کی افادیت:

کھجور خون کی کمی دور کرنے کے لیے بہترین ذریعہ ہے۔
اس کا استعمال ہڈیوں کی مضبوطی کے لیے فائدہ مند ہے۔
کھجوروں میں وافر مقدار میں منرلز موجود ہوتا ہے۔
اس کا استعمال امراض قلب کے لئے مفید ہے اور دل کی صحت بہتر بنانے میں مدد فراہم کرتا ہے۔
کھجور کا استعمال ہیضے کے علاج میں مفید ثابت ہوتا ہے۔