کرکٹ کھیلنے کا شوقین تھا لیکن وقار یونس نے۔۔ عماد عرفانی نے ماضی سے جڑا واقعہ سنا دیا

"مجھے ہمیشہ نہیں، لیکن زیادہ تر امیر لڑکے کا کردار ہی آفر کیا جاتا ہے،" عماد عرفانی نے مسکراتے ہوئے کہا۔

یہ کہنا ہے معروف اداکار اور ماڈل عماد عرفانی کا جنھوں نے حال ہی میں ایک پروگرام میں شرکت کی۔ اپنی زندگی کے حوالے سے عماد نے بتایا کہ "ایک بار امتحان میں چیٹنگ کرتے ہوئے پکڑا گیا تھا۔ اب صحیح سے یاد نہیں کہ وہ کون سا مضمون تھا، لیکن شاید کیمسٹری یا فزکس جیسا مشکل ترین مضمون تھا۔"

اداکار نے مزید کہا، "میں نے چیٹنگ کے لیے مکمل کتاب اپنے ساتھ لے لی تھی، لیکن میرے ہی کسی دوست نے میری مخبری کر دی تھی۔"

اس واقعے کو یاد کرتے ہوئے عماد عرفانی ہنسے اور شو کے میزبان تابش ہاشمی کے کرکٹ سے متعلق سوال پر گفتگو کو آگے بڑھاتے ہوئے کہا، "مجھے کرکٹر بننے کا بہت شوق تھا، اس وقت کے نامور کرکٹرز میرے لیے رول ماڈل ہوا کرتے تھے۔"

انہوں نے ایک خاص واقعہ یاد کرتے ہوئے بتایا، "میں نے ایک بار سابق کرکٹر وقار یونس کی موجودگی میں نیٹ بولنگ بھی کی تھی۔ اس پر وقار یونس نے مجھے سراہتے ہوئے کہا کہ آپ ایک بہت اچھے اسٹرائیکر ہیں، آپ کو مزید محنت کرنی چاہیے۔"

اداکار کے امتحانی تجربے نے شائقین کو ہنسنے پر مجبور کر دیا، جب انہوں نے یہ انکشاف کیا کہ پورا نصاب چیٹنگ کے لیے لے جانا ان کے لیے ایک منصوبہ بندی کا حصہ تھا، جو کہ دوست کی مخبری کی وجہ سے ناکام ہو گیا۔

عماد عرفانی کی کرکٹ کے حوالے سے محبت اور وقار یونس کے ساتھ یادگار لمحات ان کی زندگی کا وہ پہلو ہے جو شاید بہت کم لوگ جانتے ہوں۔ اگرچہ وہ کرکٹر نہ بن سکے، لیکن اداکاری میں ان کا سفر بھی کم دلچسپ نہیں رہا۔

وقار یونس جیسے لیجنڈ کرکٹر کی جانب سے تعریف حاصل کرنا عماد عرفانی کے لیے ایک یادگار لمحہ تھا۔ اس تعریف نے انہیں کرکٹ کے میدان میں مزید محنت کی ترغیب دی، لیکن قسمت نے انہیں ایک مختلف راستے پر ڈال دیا۔