دودھ میں الائچی کا پاؤڈر ڈال کر پینے سے کیا ہوتا ہے؟ اس کے فائدے جاننے کے بعد آپ فوری اس کو پینا شروع کر دیں گے

کھانے کے دوران اچانک الائچی منہ میں آ جائے تو کچھ لوگوں کا منہ بن جاتا ہے اور کچھ کہتے ہیں مزہ ہی آگیا، جبکہ کچھ لوگ الائچی کو مزیدار کھانوں میں استعمال کرنا پسند نہیں کرتے اور ان کے منہ سے نکلتا آگئی کھانے کا مزہ خراب کرنے کے لئے وغیرہ وغیرہ، مگر ساتھ ہی اگر آپ دیکھیں تو الائچی کے بے شمار فائدے ہیں جن کے بارے میں کے-فوڈز میں کئی مرتبہ بتایا جا چکا ہے۔ آج ہم آپ کو بتا رہے ہیں کہ ایک گلاس دودھ میں الائچی پاؤڈر کو مکس کرکے پینے سے کون سے 5 بڑے فائدے ہوتے ہیں تاکہ آپ بھی الائچی کو استعمال کرکے اپنی صحت اور خوبصورتی کو بڑھا سکیں۔

فائدہ:

٭نیند کے مسائل:

رات کو سونے سے قبل دودھ میں الائچی پاؤڈر کو مکس کرکے پینے سے نیند نہ آنے کا مسئلہ کنٹرول ہو جاتا ہے اور جسم سے بے چینی کی شکایت بھی دور ہو جاتی ہے۔

٭ ہاضمے کے مسائل:

الائچی والا دودھ روزانہ پینے سے آپ کا ہاضمہ بہتر ہو جاتا ہے، پرانی قبض بھی دور ہو جاتی ہے۔

٭ دمہ کے مسائل:

یہ دودھ دمے کے امراض میں فائدہ دیتا ہے، پھیپھڑوں کو طاقت دیتا ہے اور جسم کو مضبوط بنانے میں آپ کی بڑی مدد کرتا ہے۔

٭ ایکنی:

جن لوگوں کو ایکنی کا مسئلہ مستقل رہتا ہے ان کے لئے یہ دودھ ایک بیوٹی ڈرنک ہے اس سے نہ صرف ایکنی کنٹرول ہوتی ہے بلکہ جلد نرم و ملائم اور چمکدار بھی ہوتی ہے۔

٭ سوجن:

اگر آپ کے ساتھ بھی ٹانگوں کی سوجن کی شکایت رہتی ہے تو ایسے میں یہ دودھ روزانہ صبح نہارمنہ اور رات کو سونے سے قبل پینا فائدہ مند ہوگا۔

یہ دودھ فائدہ مند کیوں؟

الائچی والے دودھ میں کیلشیئم، میگنیشئیم، اینٹی بیکٹریل، اینٹی بائیوٹکس، اینٹی فنگل، فائبر، پروٹین، وٹامنز اے، سی، ڈی، ای، کے، فولک ایسڈز اور دیگر ضروری مرکبات پائے جاتے ہیں جو اس کو ہمارے لئے فائدے مند بناتے ہیں۔

By Humaira    |    In Health and Fitness   |    0 Comments    |    4556 Views    |    03 Mar 2021

Comments/Ask Question

Read Blog about دودھ میں الائچی کا پاؤڈر ڈال کر پینے سے کیا ہوتا ہے؟ اس کے فائدے جاننے کے بعد آپ فوری اس کو پینا شروع کر دیں گے and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (دودھ میں الائچی کا پاؤڈر ڈال کر پینے سے کیا ہوتا ہے؟ اس کے فائدے جاننے کے بعد آپ فوری اس کو پینا شروع کر دیں گے) and how to utilize other natural ingredients to cure diseases, easy recipes, and other information related to food from KFoods.