مہنگی کریم بھی یہ جادو نہیں دکھا سکتی.. کچے دودھ سے پائیں چاند جیسا چہرہ وہ بھی بنا کسی خرچے کے

پہلے کے دور میں بیوٹی پارلر جانے کا اتنا رواج نہیں تھا، نہ ہی اتنی جدید ٹیکنالوجی تھی کہ جب جی چاہا کوئی بھی ٹریٹمینٹ کروا کر من چاہے نتائج حاصل کر لیے. اس کے بجائے گھریلو سادہ ٹوٹکے آزمائے جاتے تھے جن کے نتائج بھی دیرپا اور بہترین ہوتے تھے.

صدیوں سے جلد کو خوبصورت بنانے کے لیے کچے دودھ کا استعمال کیا جارہا ہے. کچے دودھ میں بی وٹامنز، الفاہائیڈروکسی ایسڈز ، کیلشیم اور دیگر طاقتور اینٹی آکسیڈنٹس پائے جاتے ہیں جو رنگت نکھارنے والی مہنگی کریموں میں مصنوعی طور پر شامل کیے جاتے ہیں.

چہرے کو دھو کر خشک کر لیں اور اب روئی یا واش کلاتھ کا استعمال کرتے ہوئے ہلکی گردش کے ساتھ کچے دودھ کو اپنی جلد پر آہستہ سے ملیں۔ روئی کی گیند کی مد د سے گندگی کو صاف کریں جس سے چکنائی سے پاک صاف چہرہ رہے گا. یہ عمل بند سوراخوں کے اندر موجود گندگی کو باہر نکال دیتا ہے. اس کے علاوہ بلیک ہیڈز، ایکنی کا خاتمہ کر کے جلد کو نمی بخشتا ہے.

اسی طرح کچے دودھ کو ماسک کی طرح بھی استعمال کیا جاسکتا ہے. نس دودھ کو چہرے پر لگا کر 20 منٹ خشک ہونے دیں اور پھر ٹھنڈے پانی سے دھو لیں.

ایک پیالے میں تازہ کچا دودھ لیں اور اس میں نرم کپڑا یا روئی ڈبو دیں پھر مروڑ کر اپنی داغ دار جلد پر لگائیں بہترین نتائج کے لیے ہفتے میں کم از کم تین بار شاور یا نہانے سے پہلے استعمال کریں۔