ہڈیاں مضبوط اور خشکی سے پیچھا چھڑانا چاہتے ہیں تو.. ہلدی والے دودھ میں کیا چیز ڈالیں جو اس کے فائدے بڑھا دے؟

سردی میں ہلدی والا دودھ پیا جاتا ہے کیوں کہ اس کی تاثیر گرم ہوتی ہے لیکن آج ہم اس دودھ کے فائدے ڈبل کرنے کا ایسا طریقہ بتائیں گے جس سے آپ دوگنا فائدہ اٹھا سکیں گے۔

ایک کپ دودھ میں آدھا چائے کا چمچ ہلدی اور ایک چائے کا چمچ گھی ڈال کر پکائیں کہ گھی پگھل جائے اور سارا دودھ ایک جان ہوجائے۔ اب اسے نیم گرم پی جائیں۔

رات کو سونے سے پہلے نیم گرم گھی والا ہلدی دودھ پینے کے سردی کے تمام مضر اثرات جسم سے کم ہوجاتے ہیں۔ خاث طور پر فلو، گلا خراب اور بخار سے نجات دیتا ہے اور قوت مدافعت بڑھاتا ہے۔

گھی اور ہلدی کا استعمال جسم سے زہریلے مادے خارج کرتا ہے جس کی وجہ سے جلد بھی چمک اٹھتی ہے اور صحت مند ہوجاتی ہے۔ گھی کی وجہ سے جلد اور بالوں سے خشکی کا مسئلہ کم ہونے لگتا ہے۔

دودھ میں کیلشیم اور گھی میں وٹامن کے موجود ہوتا ہے جو جسم میں کیلشیم جذب کرنے کی صلاحٰت کو بڑھاتا ہے۔ اس طرح یہ دودھ ہڈیوں کی مضبوطی کے لئے بہترین ہے۔

کھانے کو ہضم کرنے میں مدد کرتا ہے۔ گھی کی وجہ سے آنتیں سکڑتی نہیں اور قبض نہیں ہوتا۔

سردی کے موسم میں جسم میں خشکی کی وجہ سے خارش کا مسئلہ ہوجاتا ہے جبکہ ہلدی اور گھی کی وجہ سے جلد میں نمی برقرار رہتی ہے اور خشکی کی وجہ سے خارش اور جلد پٹھنے کے مسائل نہیں ہوتے۔