اخبار بیچنے والے کی بیٹی ڈاکٹر بن گئی۔۔ بوڑھے والدین نے جب بیٹی کا رزلٹ دیکھا، تو کیا کیا؟

بیٹیاں رحمت ہوتی ہیں، یہ تو سب نے سنا مگ اگر اسی رحمت کو سپورٹ کیا جائے، اس پر اعتماد کیا جائے تو والدین کا سر فخر سے بلند کر کے دکھا دیتی ہہیں، معاشرے کے طعنوں کا بھی لفظوں کے بجائے اپنے عمل سے جواب دیتی ہیں۔

سوشل میڈیا پر ڈاکٹر فاخرہ انور کی ایک تصویر کافی وائرل ہے جس میں وہ اپنے والد اور والدہ کے ہمراہ دیکھی جا سکتی ہیں۔

دلچسپ بات یہ بھی ہے کہ والدہ کے سر پر ڈگری والی ٹوپی موجود ہے جبکہ والد کے گلے میں میڈلز موجود ہیں، ساتھ ہی خود فاخرہ کے گلے میں بیسٹ گریجویٹ کا ٹائٹل موجود ہے۔

فاخرہ نے اپنے نام کی طرح والد کا سر فخر سے بلند کر دیا ہے، اس کی وجہ یہ ہے کہ فاخرہ کے والد اخبار فروش ہیں، جو کہ اخبار بیچ کر بیٹی کے خواب پورے کرنے کی جستجو میں تھے۔

بیٹی کو والدین کی قربانی اور سخت محنت کا اندازہ تھا یہی وجہ تھی کہ فاخرہ نے سخت محنت اور والد کو خوش کرنے کے لیے ڈاکٹر بن کر ان کا خواب پورا کر دیا۔

بیٹی کی آنکھوں میں والدین کی خوشی، اور ان کا مطمئن چہرا بخوبی دیکھا جا سکتا ہے جبکہ یہ بات بھی واضح کر دی ہے کہ بیٹی بوجھ نہیں ہوتی ہے، بلکہ اسے بھی اتنی ہی اہمیت اور سپورٹ ملے جو کہ بیٹے کو ملتی ہے تو وہ والدین کو کبھی بھی مایوس نہیں کرتی۔