مسلمان ہو کر عبادت اور روزے رکھنا چاہتا ہوں ۔۔ آنکھوں مین آنسو لیے 9 سالہ غیر مسلم بچے کی اسلام قبول کرنے کی خوبصورت ویڈیو نے سب کو پگھلا دیا، دیکھیں

کسی نے سچ ہی کہا ہے کہ جب اللہ پاک کسی کے نصیب میں خوش نصیبی لکھ ڈالے تو وہ اسے مل کر ہی رہتی ہے۔ ایسا ہی کچھ ایک 9 سالہ بچے کے ساتھ بھی ہوا جس کے اسلام قبول کرنے کا واقعہ اس وقت سوشل میڈیا پر خوب وائرل ہو رہا ہے۔

تو یہ واقعہ کچھ یوں ہے کہ روڈی نامی یہ بچہ غیر مسلم تھا پر ایک نہایت ہی اچھے اور نیک دل کا مالک تھا ، یہ ہمیشہ مسلمان لوگوں کے ساتھ مل کر اپنے علاقے میں بے گھر لوگوں میں کھانے کی اشیاء تقسیم کیا کرتا تھا بس پھر کیا تھا آہستہ آہستہ اس کا دل مذہب اسلام کی جانب مبذول ہو گیا۔ پھر ایک دن اس نے گھر پہنچتے ہی اپنی والدہ سے ایک درخواست کر ڈالی۔

جس کے الفاظ کچھ یوں تھے کہ مجھے اسلام قبول کرنا ہے تا کہ میں مسلمانوں کی طرح عبادت کر سکوں اور روزے رکھ سکوں۔ یہ الفاظ سننے کی دیر تھی کہ اپنے بیٹے کی اس خواہش پر والدہ نے غصہ نہیں کیا بلکہ اسے کہا کہ میں تمہارے ساتھ ، آپ نے بیٹا جو بھی فیصلہ لیا ہے مجھے منظور ہے۔ والدہ سے یہ بات کرتے ہوئے بچے کی آنکھوں میں آنسو بھی تھے۔

آخر میں آپکو یہ بھی بتاتے چلیں کہ جس وقت روڈی نامی بچے نے اسلام قبول کیا، اس کی ایک ویڈیو سامنے آئی ہے جس میں یہ نہایت خوش نظر آ رہا ہے،اور اس کے جذبات سے صاف واضح ہے کہ اس نے زندگی میں ایک خاص چیز حاصل کر لی ہے۔