Turkish Lassi Recipe in Urdu

اجزاء:
رمضان میں ہر شخص کی یہ کوشش ہوتی ہے کہ وہ اس ماہ مبارک میں اپنی تمام تر کوششوں سے رب کو راضی کرلے ۔ایسے میں ایسا کیا کیا جائے کہ ہم سحری سے لے کر افطاری تک چاق و چوبند رہ کر عبادت بھی کر سکیں اور اپنے روزمرہ معمولات بھی انجام دے سکیں۔ اسی لئے ضروری ہے کہ ہم سحری میں کچھ ایسا کھائیں پئیں جو کہ ہمارے جسم کو توانائی دینے کے ساتھ ساتھ طبیعت میں بھاری پن بھی پیدا نہ کرے اور روزے میں طبیعت میں گرانی بھی نہ ہو ۔اسی لئے ہم یہاں ڈاکٹر بلقیس کی بنائی ہوئی ٹرکش لسی کا طریقہ یہاں بتارہے ہیں اگر اس کو سحری میں یا افطاری میں پیا جائے تو یہ آپ کے لئے بہت فائدے مند بھی ہے اور نظام ہضم کے لئے بھی مفید ہے ، ورنہ عموماً یہ ہوتا ہے کہ سحری یا افطاری کھانے کے بعد بھاری پن ہو جاتا ہے۔ اور روزے میں سارا دن کھٹی ڈکاریں آتی رہتی ہیں۔
دہی کے بارے میں ڈاکٹر بلقیس کی ٹپ
ڈاکٹر بلقیس کا یہ کہنا ہے کہ اگرصبح نہارمنہ ایک کپ دہی کھالیا جائے اور وہ دہی گائے کے دودھ سے بنا ہوا ہو تو وہ جسم کے لئے ایسا ہی ہے جیسا کہ گاڑی کے لئے گریس یا آئل۔ جو کہ پوری گاڑی کو رواں کر دیتا ہے۔ اسی طرح خالی پیٹ ایک کپ دہی کھانے سے آپ کے جسم کی ساری نسیں، شریانیں، کھول دے گا۔ سارے اعضاء کی کارکردگی رواں اور بہتر ہو جائے گی۔ اس کے ساتھ یہ آپ کی جلد کے لئے بھی بہترین ہوگا ، آپ کے نظامِ ہضم کو فعال کردے گا۔ پیٹ کی تکالیف کا خاتمہ کرے گا ۔ ایک بات یاد رکھیں کہ دہی کھانے کے ایک گھنٹے بعد تک کیفین نہیں لیا جائے گا یعنی چائے کافی وغیرہ نہ لیں ورنہ دہی کے اثرات ختم ہوجائیں گے

ٹرکش لسی
دہی ایک کپ
نمک ایک چوتھائی چائے کا چمچ
دودھ ایک گلاس
زیرہ بھنا ہوا ایک چائے کا چمچ
پودینے کے پتے 20 سے 25
برف کیوب کی ایک ٹرے
تمام چیزوں کو بلینڈر میں ڈال کر بلینڈ کر لیں ، پانی نہیں ڈالیں ۔ پانی کی جگہ برف ڈالیں اور اس کے ساتھ اس کو اتنا بلینڈ کریں کہ برف اچھی طرح چورا ہو جائے ۔مزیدار ٹرکش لسی تیار ہے۔ لسی کے اجزاء افراد کے حساب سے کم زیادہ کئے جا سکتے ہیں