Ras Malai Recipe in Urdu

اجزاء:
رس ملائی گھر میں بنانا مشکل لگتا ہے تو اس آسان ریسپی سے اب گھر میں ہی بنالیں جو بنے اتنی نرم ملائم کھانے میں مزہ ہی آجائے۔

٭ پتیلی میں ایک کلو دودھ ڈالیں اور اسے تقریباً ڈیڑھ گھنٹے تک چمچ چلا کر خوب پکائیں۔ پھر اس میں بازاری کریم والا دودھ، الائچی پاؤڈر اور پسے ہوئے پستے، بادام ڈال کر اچھی طرح پکائیں کہ ربڑی کی طرح دودھ بن جائے۔
٭ دوسری پتیلی میں ڈیڑھ کلو دودھ ڈالیں اور اس کو بھی اسی طرح آدھے گھنٹے تک تیز آگ پر پکائیں۔ ابال آنے پر چمچ چلائیں اور اس میں لیموں کا رس ایک ایک چمچ کر کے ڈالتی جائیں اور چمچ مستقل چلاتی جائیں۔ لیموں کا رس اس وقت تک ڈالیں جب تک کہ دودھ اچھی طرح پھٹ جائے اور کھوئے کے ٹکڑے ہوجائیں۔
٭ اس کے بعد آپ ململ کے کپڑے میں سارا پھٹا ہوا دودھ ڈال کر اچھی طرح اس کو کس لیں کہ اس میں موجود سارا پانی نکل جائے۔
٭ جتنا زیادہ پانی نکالیں گی رس ملائی اتنی ہی نرم بنے گی۔
٭ اب کھوئے کو ایک پلیٹ پر نکالیں اور اس کو آٹے کی طرح گوندھ لیں۔
٭ اس کے بعد کھوئے کے چھوٹے چھوٹے پیڑے بنائیں اور بیچ میں تھوڑا سا زور دے کر چپٹا کرلیں۔
٭ پھر ایک بڑے پین میں دو کپ پانی ڈالیں اور اس میں تین کپ چینی ڈال کر اچھی طرح مکس کر کے شیرہ پکالیں۔ اور تمام پیڑے اس پانی میں ڈال کر ڈھکن بند کرکے پکنے دیں۔
٭ جب پیڑے اچھی طرح پک جائیں تو انھیں گاڑھے ربڑی والے دودھ میں ڈال دیں اور کچھ دیر ٹھنڈا کرنے کے بعد سروو کیجیے۔

لیجئیے ہوگئی بہت آسانی کے ساتھ آپ کی مزیدار رس ملائی تیار۔

ضرروی ٹپ:
٭ اگر آپ کی رس ملائی بناتے وقت ٹوٹ جاتی ہے تو آپ دودھ میں لیموں کا رس تھوڑا تھوڑا کر کے ڈالیں اس طرح یہ ٹوٹے گی نہیں۔
٭ جب پھٹے دودھ میں سارا پانی نکال کر آپ اس کے فوراً پیڑے بنائیں تو یہ اس وجہ سے بھی ٹوٹ جاتی ہے لہٰذا کھوئے سے پانی الگ کرنے کے بعد اس کو دس منٹ تک آٹے کی طرح گوندھیں تاکہ یہ نرم بھی ہوجائے اور اس میں ذرا سی نمی میں آجائے۔
٭ پیڑوں کو چینی کے شیرے میں تقریباً آدھا گھنٹہ پکائیں۔
٭ ربڑی میں پیڑے ڈالنے کے بعد اس کو دو گھنٹے فریج میں رکھ دیں تاکہ دودھ پیڑوں کے اندر تک چلا جائے۔