Mix Daal Recipe in Urdu

اجزاء:
حلیم پکانے کے لئے مکس دالوں کا استعمال کرتے ہیں لیکن اس کو بنانے کے لئے بہت زیادہ محنت بھی کرنی پڑتی ہے کہیں دالوں کو ابالو پھر گلاؤ اور گھوٹے لگا لگا کر تھک جاؤ ۔۔ اس کا ذائقہ تو شاندار ہوتا ہی ہے مگر وقت بھی زیادہ درکار ہوتا ہے۔ حلیم جیسا ذائقہ کم وقت میں اگر آپ کو مل جائے تو مکس دالیں ایک ساتھ بنائیں اور بھرپور ذائقہ پائیں۔

شیف اعجاز انصاری نے بتائی ان دالوں کو ایک ساتھ بنانے کی شاندار ریسیپی جس کو کھا کر آپ بھی انگلیاں چاٹتی رہ جائیں۔


٭ اجزاء:
مونگ کی دال ابلی ہوئی آدھا کپ
چنے کی دال ابلی ہوئی آدھا کپ
ماش کی دال ابلی ہوئی آدھا کپ
مسور کی دال ابلی ہوئی آدھا کپ
ہرادھنیا کٹا ہوا
کالی مرچ ایک چمچ
لال مرچ 2 چمچ
کٹی لال مرچ 1 چمچ
زیرہ 1 چمچ
دھنیا 1 چمچ
ہلدی 1 چمچ
لیموں کا رس 3 چمچ
آئل ڈیڑھ کپ
لونگ 2 سے 3
املی کا پیسٹ 1 چمچ
پیاز 1 کٹی ہوئی
نمک1 چمچ
ادرک لہسن کا پیسٹ ایک چمچ
ادرک اور لہسن باریک کٹا ہوا 1 چمچ

٭ سب سے پہلے دالوں کو دھو کر اچھی طرح ابال لیں۔
٭ پیاز کو فرائی کریں اور اس میں زیرہ، املی کا پیسٹ، ادرک لہسن کا پیسٹ، لال مرچ، کٹی لال مرچ، مصالحے، نمک، ہلدی، دھنیا سب کچھ ڈال کر اچھی طرح بھونیں۔
٭ اب اس میں ایک کپ سے زیادہ پانی ڈال کر دالوں کو بھی شامل کرلیں۔
٭ اس کو اچھی طرح پکائیں اور 15 منٹ کے لئے دم پر رکھ دیں۔
٭ اب کڑاہی میں آئل گرم کریں اس میں لہسن اور زیرہ ڈال کر ترکے کے لئے کردیں۔
٭ جب دال پک کر تیار ہو جائے تو اس میں گرم آئل کا تڑکہ لگا دیں۔
٭ لیجیے مزیدار مکس دال پک کر تیار ہے اب لیموں کا رس اور ہرا دھنیا ڈال کر سروو کردیں۔