Lab e Shireen Trifle Recipe in Urdu

اجزاء:
آج کچھ نیا بنائیں اور گھر والوں کو خوشی سے کھلائیں جو کھا کر سب آپ کی تعریف کرنا نہ بھولیں۔
تو لیں بناتے ہیں آج لبِ شیریں ٹرائفل جو بنے بھی جلدی اور آسانی سے لیکن کھانے میں اتنا رنگ برنگ ذائقہ دار کے دل خوش ہوجائے۔

٭ ایک پیکٹ فالودے کی سویاں پانی میں ڈال کر ابال لیں اور فوری ٹھنڈے پانی میں ان کو بھگو دیں۔
٭ دو کلو دودھ میں آدھ کلو پاؤڈر والا دودھ ڈال کر ایک گھنٹے تک اچھی طرح پکائیں۔
٭ ایک پیکٹ کریم کو دودھ میں ڈال کر اچھی طرح مکس کرلیں۔
٭ ایک چھوٹی پیالی میں ایک کپ دودھ اور آدھا کپ پاؤڈر دودھ ڈال کر اچھی طرح چمچ سے ملائیں اور اس میں چار چمچ روح افزاء ڈال کر مکس کر لیں۔
٭ کیلے، سیب، امرود، انگور، فالسے، چیکو جو بھی پھل آپ کے پاس موجود ہے ان کو باریک کاٹ لیں۔
٭ سادا کیک یا کپ کیک بازار کے بنے ہوئے لے لیں اور ان کو چھوٹے چھوٹے چوکور ٹکڑوں میں کاٹ لیں۔
٭ ایک بڑے سرونگ پیالے میں کٹے ہوئے کیک کے ٹکڑوں کر اچھی طرح رکھیں ایک تہہ بنالیں۔
٭ پھر اس کے اوپر کٹے ہوئے پھل کی ایک تہہ رکھیں۔
٭ چاروں طرف روح افزاء والا دودھ ڈالیں۔
٭ ابلی ہوئی فالودے والی سویاں رکھیں۔
٭ کریم والا دودھ ڈالیں۔
٭ پھر پھل اور ڈرائی فروٹس ڈال کر ایک بار پھر روح افزاء اور کریم ڈال دیں۔
٭ لیجئیے مزیدار، رنگ برنگا سا لبِ شیریں ٹرائفل تیار ہے اب اس کو سروو کیجیے۔