Puff Pastry Recipe in Urdu

اجزاء:
اجزاء :
مید ہ ۔۔۔۔۔۔۔۔250گرام
پگھلاہوا مکھن ۔۔۔۔۔۔۔۔۔۔25گرام
نمک ۔۔۔۔۔۔۔۔۔۔۔۔۔ایک چٹکی
انڈے کی زردی ۔۔۔۔۔۔۔۔۔۔ایک عدد انڈے کی
پانی ۔۔۔۔۔۔۔۔۔۔۔۔۔۔۔ایک لیٹرکا آٹھواں حصہ
ٹھنڈا مکھن ۔۔۔۔۔۔۔۔۔۔۔250گرام
رول کرتے ہوئے جو میدہ استعمال ہوگا ۔۔۔۔۔۔۔۔۔۔25گرام

ترکیب :
میدے کو ایک پیالے میں ڈال کر ساتھ ہی 25گرام پگھلاہوا مکھن ڈال کر اچھی طرح مکس کرلیں کہ میدہ بریڈ کرمبز کی شکل کا ہو جائے ۔ پھر نمک اور انڈے کی زردی ڈال کر پانی کے ساتھ اچھی طرح گوندھ لیں اور کلنگ فلم سے اچھی طرح ڈھک کر 30منٹ کے لئے فریج میں رکھ دیں ۔
پھر 250گرام ٹھنڈے مکھن کو چھوٹے چھوٹے چوکور ٹکڑوں میں کاٹ لیں ۔
تھوڑا سا خشک میدہ ڈال کر مکس کریںاور پھر اس مکھن کو پلاسٹک شیٹ کے درمیان رکھ کر کوَر کریں ۔
اب مکھن کو رول تقریباً19x19سینٹی میٹر چوڑا اور لمبا اور فریج میں کم از کم 30منٹ کے لئے رکھ دیں ۔
اب جو میدہ گوندھا تھا اُسے رول کریں 20سینٹی میٹر چوڑا اور 40سینٹی میٹر لمبائی میں ۔ اب اس پر رول کیا ہوا مکھن رکھ کر سائیڈوں پر پانی لگائیں ۔
مکھن کو میدے سے ڈھک کر سائیڈوں کوآرام سے جوڑ لیں ۔
تھوڑا سا لمبائی میں کرکے رول کریں ۔
اب رول کئے ہوئے میدے کی تین تہیں بنائیں ۔ خشک مید ہ چھڑک کر دوبارہ رول کریں
اب پھر تین تہیں بنائیںاور بیس سے تیس منٹ کے لئے ٹھنڈا ہونے کے لئے فریج میں رکھ دیں ۔ کیونکہ دھیان رکھنا ہے کہ رول کرتے ہوئے مکھن گرم ہوگر پگھل نہ جائے ۔مکھن پگھل گیا تو پف صحیح نہیں بنے گا ۔
اب پھر لمبائی میں رول کریں ۔
اب پھر اسی طرح تہیں بنائیں اور فریج میں رکھ دیں ۔
اور آپ کی پف پیسٹری تیار ہے اسے آپ فریز بھی کرسکتے ہیں اور پیٹیز وغیرہ بنا کر بھی فریز کئے جاسکتے ہیں ۔ جب استعمال کرناہو تو تین ملی میٹر کی موٹائی تک رول کرلیں اور پھر اپنی ضرورت اور پسند کے حساب سے کاٹ لیں ۔