Gol Gappa Recipe in Urdu

اجزاء:
بازار میں ملنے والے چٹ پٹے گول گپے کھانے سے دل بھرتا ہی نہیں ہے۔ خصوصاً خواتین کے لئے گول گپے جیسی چیز کو چھوڑنا مشکل ہوتا ہے، وہ شاپنگ پر جائیں یا گھومنے پھرنے گول گپے کھائے بغیر نہیں رہتی ہیں لیکن جب انہیں گھر میں بنانے کے لئے ٹرائی کرتی ہیں تو وہ ذائقہ دار گول گپے نہیں بناپاتی ہیں اگر کچھ لوگوں کے بن بھی جاتے ہیں تو وہ ٹوٹ جاتے ہیں اور جیسے ہی پانی میں جاتے ہیں ایسے ٹوٹتے ہیں کہ کھانے کا مزہ نہیں رہتا۔ آپ بھی اگر اس مشکل کو ختم کرنا چاہتی ہیں اور بازار جیسے ذائقہ دار گول گپے گھر میں ہی بنانا چاہتی ہیں تو اب سے آپ بھی معروف شیف کی بتائی گئی ٹپ سے گھر پر یہ کام کرسکتی ہیں۔

گول گپے کیسے بنائیں؟
اجزاء:
٭ آٹا بنانے کے لئے:
1 کپ سوجی (بھنی ہوئی)
2 چمچ بیکنگ پاؤڈر
آدھا کپ میدہ
1 چائے کا چمچ نمک
پانی حسبِ ضرورت
٭ کھٹا پانی بنانے کے لئے:
آدھا پاؤ املی کا پانی
آدھا چائے کا چمچ کالی مرچ
آدھا چائے کا چمچ لال پسی مرچ
آدھا چائے کا چمچ کالا نمک
آدھا چائے کا چمچ امچور پاؤڈر
آدھا چمچ ٹاٹری پاؤڈر
چٹ پٹی فلنگ کے لئے:
1 عدد باریک کٹی ہوئی پیاز
1 عدد چکور ٹکڑوں میں کٹا ہوا آلو
1 پیالی دہی
1 کپ اُبلے ہوئے چھولے

1 پیالے میں 1 کپ سوجی، بیکنگ پاؤڈر اور آدھا کپ میدہ اور نمک شامل کر کے پانی سے آٹا گوندھ لیں، آٹا نرم نہ ہو اسے سخت گوندھیں، اب اس آٹے کو 10 منٹ کے لئے رکھ دیں پھر اس کے چھوٹے چھوٹے پیڑے بنا کر بیل لیں اور گول ٹکیوں کی طرح انہیں کاٹ کر تیز گرم تیل میں فرائی کر لیں۔ اب ایک پیالے میں املی کا پانی، کالا نمک، پسی لال مرچ، امچور پاؤڈر، پسی کالی مرچ ڈال کر مکس کر لیں، اب گول گپے میں آلو، پیاز، دہی، چھولے ڈالیں اسے پانی میں بھگو کر اس میں پانی بھریں اور مزے لے کر کھائیں تیار ہیں بازار جیسے کرسپی گول گپے۔