Cheese Stuffed Chicken Kabab Recipe in Urdu

اجزاء:
•مرغی کا گوشت، بنا ہڈی کے _____آدھ کلو گرام
•کالی مرچ _____ 1چائے کا چمچ
•لال مرچ کُٹی ہوئی _____ 1چائے کا چمچ
•نمک _____حسبِ ذائقہ
•ہلدی پسی ہوئی _____آدھ چائے کا چمچ
•لہسن کا پیسٹ _____ 1چائے کا چمچ
•ادرک کا پیسٹ _____ 1چائے کا چمچ
•دھنیا _____آدھی گٹھی
•ہری مرچیں کٹی ہوئی _____ 2عدد
•موزریلا چیز_____250 گرام
•تیل _____ہاتھوں کو چکنا کرنے کے لئے
•انڈے، پھینٹے ہوئے _____ 2عدد
•نمک اور کالی مرچ _____حسبِ ذائقہ
•دودھ _____ 1کھانے کا چمچ
•دھنیا _____ 1چائے کا چمچ
•ڈبل روٹی کا چُورا _____حسبِ ضرورت
•تیل _____تلنے کے لئے حسبِ ضرورت

ایک بلینڈر میں چکن کی بغیر ہڈی کی بوٹیاں ڈالیں، ساتھ میں کالی مرچ، نمک، کُٹی ہوئی لال مرچ، پسی ہوئی ہلدی، لہسن ادرک کا پیسٹ، دھنیا اور ہری مرچیں شامل کریں اور ان سب کو اچھی طرح بلینڈ کرلیں تاکہ تمام اجزا یکجان ہوجائیں۔
اب موزریلا چیز کی ٹکیا کو کاٹ کر اس میں سے لمبے لمبے قتلے نکال لیں۔
اپنے ہاتھوں کو گھی لگا کر چکنا کرلیں۔
مرغی کے قیمے سے بنا آمیزہ ہتھیلی پر لے کر ذرا سا پھیلا لیں پھر اس کے بیچ میں موزریلا چیز کا ایک قتلا رکھیں اور قیمے کو اس کے گرد اچھی طرح لپیٹ لیں۔
اب ایک پیالے میں دو انڈے ڈالیں اس میں نمک اور کالی مرچ ڈال کر پھینٹ لیں، پھر اس میں دودھ اور دھنیا ڈالیں اور مزید اچھی طرح پھینٹیں۔
اب ایک پیالے میں ڈبل روٹی کا چُورا لیں اس میں نمک اور پسی ہوئی کالی مرچ ملائیں۔
اب چیز بھرے کباب کو انڈوں کے آمیزے میں ڈبو کر نکالیں اور ڈبل روٹی کے چُورے میں اچھی طرح لتھیڑ لیں تاکہ اس پر مناسب تہہ چڑھ جائے۔
اب ان کبابوں کو فرائنگ پین یا کڑاھی میں اچھی طرح تل لیں، زردی مئال سنہری ہونے پر نکال کر ٹشو پیپر پر رکھ دیں تاکہ اضافی تیل جذب ہوجائے۔
گرما گرم مزیدار چیز بھرے چکن کباب تیار ہیں، اپنی پسندیدہ چٹنی یا کیچپ کے ساتھ کھائیں۔