Atta Biscuits Recipe in Urdu

اجزاء:
• آٹے کے خستہ بسکٹ گھر میں بنائیں اس آسان ٹپ کے ذریعے تو ابھی بنائیں اور مزے لے کر کھائیں بسکٹ تو سب کو ہی پسند ہوتے ہیں اور شام کی چائے کے ساتھ اگر بسکٹ مل جائیں تو اس کا مزہ ہی دوبالا ہوجاتا ہے۔
• آج ہم آپ کو بتانے جارہے ہیں گھر کے بنے آٹے کے بسکٹ جو ہر کوئی کھائے اور کھاتا رہ جائے۔
• اور اگر آپ کے پاس گھر میں مائیکروویو اوو نہیں ہے تو گھبرانے کی بات نہیں کیونکہ یہ بسکٹ آرام سے چولہے پر باآسانی بن سکتے ہیں۔

1. بسکٹ بنانے کے لئے سب سے پہلے چار کپ آٹا لیں اور ایک کپ خشخاش کو اچھی طرح ملائیں۔
2. اب تین کپ آئل لیں، اس میں دو کپ پسی ہوئی چینی اور کٹے ہوئے خشک میوے شامل کرلیں اور اچھی طرح ملائیں۔
3. اب ان تمام چیزوں کو آپس میں ملائیں اور ان کا تھوڑا سخت سا آٹا گوندھ لیں۔
4. اس کے بعد اس آٹے کی چھوٹی چھوٹی ٹکیاں بنائیں جیسے کہ گول شکل میں یا آپ جس بھی شکل میں بسکٹ بنانا چاہتے ہیں اسی طرح بنالیں۔
5. ان ٹکیوں کو گرم آئل میں فرائی کرلیں اور گولڈن کلر ہونے پر نکال لیں۔
6. لیجئیے ہوگئے آپ کے گرما گرم مزیدار سے آٹے کے بسکٹ تیار۔

ضروری ٹپس:
* بسکٹ کو ہلکی آگ پر پکائیں تاکہ جلیں نہ اور اندر تک پک جائیں۔
* خستہ بنانے کے لیے آپ انھیں دو منٹ تک نہ پلٹیں، یعنی جیسے ہی ٹکی کو تیل میں ڈالیں، اس کے دو منٹ بعد اس کو پلٹیں تاکہ خستہ ہوسکے اور ٹوٹے نہ، ورنہ فوری پلٹنے پر یہ ٹوٹ سکتا ہے۔
کچھ دیر ان کو ایک پلیٹ میں نکال کر رکھ لیں تاکہ آئل جذب ہوجائے اور پھر چائے کہ ساتھ اس کو کھانے کے لئے صرف کریں۔