Makhiyan Bhagane Ke Asan Gharelu Totkay

مکھیوں سے نجات پانے کے لیے جب صبح گھر کی صفائی کرلیں تو ایک بالٹی پانی میں دو عدد لیموں نچوڑ کر اچھی طرح مکس کریں اور اس پانی سے فرش دھولیں تو دن بھر گھر میں دوبارہ مکھیاں نہیں
آئیں گی

· چائے کی استعمال شدہ پتی کو سکھا لیجئے اور پھر دہکتے ہوئے انگاروں پر ڈالئے تو مکھیاں بھاگ جائیں گی۔

· کھانے کی میز پر ایک پیالے میں تازہ پودینے کے پتے رکھ دیں تو مکھیاں نہیں آئیں گی۔

· فرش دھونے کے پانی میں اگر نمک ملایا جائے تو کیڑے اور مکھیاں فرش پر نہیں بھنبھنائیں گے۔

لونگوں کو لیموں میں پھنسا کر رکھ دیں، لونگ اور لیموں کی مہک مکھیوں کو پسند نہیں اور جب یہ دونوں ملتی ہیں تو انہیں وہاں سے بھاگنا ہی پڑتا ہے۔

مکھیاں، مچھر اور کئی طرح کے کیڑے لہسن میں موجود سلفر کمپاﺅنڈ کے سامنے کھڑے نہیں رہ پاتے، یعنی اگر روزانہ دو سے چار لہسن کی پوتھیاں کھائی جائیں تو یہ کیڑے آپ کے قریب بھی نہیں آئیں گے۔

مکھیاں بھگانے والا گھریلو اسپرے بنانا چاہتے ہیں تو سیب کا سرکہ بہترین انتخاب ثابت ہوسکتا ہے۔ چار کپ سرکے میں بیس قطرے تلسی کے تیل جبکہ بیس قطرے پودینے کے تیل کے ملائیں، ان میں دو چمچ زیتون کا تیل اور ایک چمچ برتن دھونے والے لیکوئیڈ سوپ کا اضافہ کریں۔ اس سیال کو اپنے گھر کے ارگرد چھڑک دیں۔