Mahwari Ke Dard Ka Asan Gharelu Ilaj

ماہواری کے درد سے نجات کے لئے بتائے گئے طریقے سے رائی دانے کا استعمال کریں اور درد کو کریں فوراً کنٹرول
خواتین کی صحت سے بڑھ کر کچھ بھی نہیں ہے کیونکہ جب تک آپ صحت مند نہیں ہوں گی تو آپ کا گھرانہ بھی مضبوط نہیں ہوگا اور یہ حقیقت ہے کیونکہ بعض اوقات خواتین کے ساتھ کچھ اندرونی مسائل ہو جاتے ہیں جن کی وجہ سے وہ اپنی اور اپنے گھر والوں کی صحت کا خیال نہیں رکھ پاتی ہیں۔
ہم یہاں بات کر رہے ہیں ماہواری کے دوران ہونے والے درد کے بارے میں جو کہ بہت شدید ہوتا ہے اور اس کی وجہ سے پورا جسم کپکپاتا ہے، ہاتھوں، پیروں، ٹانگوں، پیٹ یہاں تک کہ کمر اور جوڑوں کا درد بھی بڑھ جاتا ہے۔ ایسے میں گولیوں اور دوائیوں کو کھانے سے زیادہ بہتر ہے کہ آپ کچھ ایسے گھریلو ٹوٹکوں کو استعمال کریں جن سے کسی قسم کا کوئی نقصان نہیں ہوتا۔
آج وومن کارنر سے جانیئے ایک آسان نسخہ جو کچن میں موجود ہوتا ہے بس اس کا استعمال کس طرح کرنا ہے اور کب کرنا ہے تاکہ آپ ماہواری کے دوران ہونے والے درد سے خود کو بچا سکیں:

ٹپ:
٭ رات کے وقت رائی دانے کو پانی میں بھگو کر رکھ دیں۔
٭ صبح اٹھ کر اس پانی کو پی لیں، اس سے نہ صرف ماہواری کا درد ختم ہو جائے گا بلکہ آپ کے جسم کو اندرونی طور پر طاقت بھی ملے گی اور جسم کے پٹھے بھی مضبوط ہو جائیں گے۔
٭ جن خواتین کو ماہواری میں پیچیدگیوں کے مسائل ہیں ان کے لئے تو یہ ٹپ سب سے زیادہ کارآمد ہے کیونکہ اس پانی سے تمام تر مسائل ختم ہوجائیں گے اور ان کی صحت بھی اچھی ہو جائے گی۔

فائدہ کیوں؟
رائی دانے میں سینا فائن ہائیڈروجن سلفیٹ، وٹامن سی، ڈی اور میوکیلیج پایا جاتا ہے جس کی وجہ سے اس کا پانی خواتین کی صحت سے متعلق مسائل کو حل کرنے میں مدد دیتا ہے۔