Bari Aant Ki Safai Karne Wali Ghizain

صحت مند اور فٹ رہنا ہماری سب سے بڑی ضرورت ہے جس کو شاید ہم اپنی ضرورت نہیں سمجھتے ہیں اسی لئے ایسا روٹین اور غذائیں استعمال کرنے میں مشغول ہیں جو ہماری صحت کو خراب کرنے کی ضمانت بنی ہوئی ہیں، جبکہ اگر جسم کے اندرونی یا بیرونی کسی بھی ایک حصے میں درد یا کمزوری آجائے کوئی پیچیدگی ہو جائے تو ہم سالوں تک اس بیماری سے اپنی جان نہیں چھڑوا پاتے ہیں۔
بلکل اسی طرح ہمارے جسم میں موجود بڑی آنت ہے جوکہ اندورنی جُز ہے مگر اس کی مضبوطی و صحت کا خیال ہمارے دلوں میں بلکل بھی نہیں ہوتا ہے، جبکہ یہ ہمارے نظامِ ہاضمہ سے تعلق رکھتی ہے جو کہ بلاواسطہ ہمارے گردوں اور پھیپھڑوں کے اندر کھلتی ہے۔
آج کے-فوڈ میں انتہائی اہم مسئلے پر آپ کو چند ایسے کھانوں کے بارے میں بتانے جا رہے ہیں جن کا استعمال بڑی آنت کو مضبوط اور صحت مند بناتا ہے، جانیئے وہ کون سی غذائیں ہیں:

٭دہی:
دہی چونکہ پروبائیوٹک ہے اور یہ جراثیم کش بھی ہے جس کا استعمال جسم میں موجود جراثیموں اور کثافتوں کو نکال باہر کرتا ہےا ور بڑی آنت سمیت دیگر اعضاء کو مضبوط کرنے میں اپنا کردار ادا کرتی ہے۔

٭ سرکہ:
سرکے کا استعمال صرف کھانوں کے ذائقوں کے لئے اہم نہیں ہے، بلکہ اس کو ہم اپنی صحت کی درستگی کے لئے بھی استعمال کرتے ہیں۔ سرکے میں انزائمل انٹیسٹیونز ہوتے ہیں جوکہ بڑی آنت سمیت چھوٹی آنت کی صفائی کے لئے بھی ضروری جُز ہے۔

٭ قہوہ:
سبز ٹی یا پھر پنیر بوٹی کا قہوہ پینے سے بڑی آنت میں موجود سوجن بھی ختم ہو جاتی ہے اور ساتھ ہی ایسے فاضل مادے جن کے اخراج میں مشکلات ہوتی ہیں وہ بھی جسم سے خارج ہو جاتے ہیں یوں انسان کی طبیعت بھی جلد ہی بحال ہو جاتی ہے اور وہ خود میں تازگی محسوس کرنے لگتا ہے۔