The Right Time to Eat Certain Foods

چند عام غذائیں کس وقت کھانا زیادہ فائدہ مندہ اور کب نقصان دہ؟

غذا ہماری روزمرہ کی زندگی کا ایک اہم ترین جز ہے اور ہم اس کا استعمال بھوک مٹانے کے علاوہ صحت مند زندگی کے حصول کے لیے بھی کرتے ہیں- لیکن حقیقت یہ ہے کہ ہم اس بات سے بالکل ناواقف ہوتے ہیں کونسی غذا کو کس وقت کھانا بہترین ثابت ہوتا ہے یا پھر اسی غذا کو دن کے کونسے اوقات میں نہیں کھانا چاہیے کیونکہ اس وقت یہ فائدے کے بجائے نقصان پہنچا سکتی ہے؟ ہمارا آج کا آرٹیکل ایسی ہی معلومات پر مبنی ہے جس میں آپ چند عام غذاؤں کے استعمال کے بہترین و بدترین اوقات کے بارے میں جانیں گے-

Best Time to Drink Milk

دودھ:

دودھ کیلشیم کے حصول کا ایک بہترین ذریعہ تصور کیا جاتا ہے جس سے ہماری ہڈیاں مضبوط ہوتی ہیں- عام طور پر دودھ صبح ناشتے میں اور رات کو سونے سے قبل پیا جاتا ہے- لیکن دودھ میں کاربوہائیڈریٹ٬ میگنیشیم٬ پروٹین اور کئی اقسام کے وٹامن بھی پائے جاتے ہیں جو معدے کے لیے بھاری ثابت ہوتے ہیں-
بہترین وقت: ماہرین کے مطابق دودھ رات کو سونے سے قبل پینا چاہیے کیونکہ اس سے توانائی کے حصول کا عمل انتہائی سست روی کا شکار ہوتا ہے- اس کے علاوہ یہ تیزابیت کو بےاثر کرنے کے ساتھ ساتھ ایک بہترین نیند فراہم کرتا ہے-
بدترین وقت: صبح کے وقت دودھ نہیں پینا چاہیے کیونکہ اس وقت آپ اپنا پیٹ خالی ہونے کی وجہ سے پھولا ہوا محسوس کرتے ہیں جو اور یہ فوری طور پر اتنی توانائی فراہم نہیں کرتا جتنی کہ ایک اچھے ناشتے سے حاصل ہوتی ہے-

When is the Best Time to Eat Rice?

چاول:

ہمارے ہاں غذا میں چاولوں کا استعمال عام ہے- بریانی سے لے کر کھچڑی تک٬ انہیں دوپہر یا رات کے کھانے میں ضرور استعمال کیا جاتا ہے- تاہم چاول زیادہ کاربو ہائیڈریٹ پر مشتمل ہوتے ہیں جس سے آپ کو بےپناہ توانائی حاصل ہوتی ہے-
بہترین وقت: چاول دوپہر کے کھانے میں استعمال کرنے چاہئیے کیونکہ یہ ہضم ہونے میں کافی وقت لگاتے ہیں- اور اس سے حاصل ہونے والی کافی توانائی کو ہم دن بھر کی اپنی سرگرمیوں میں استعمال بھی کرسکتے ہیں-
بدترین وقت: رات کے کھانے میں چاولوں کے استعمال سے گریز کرنا چاہیے کیونکہ ہم کھانا کھاتے ہی اکثر سونے چلے جاتے ہیں اور ہضم نہ ہونے کی وجہ سے ہمیں مسائل کا سامنا کرنا پڑتا ہے- دوسری جانب کاربو ہائیڈریٹ سے حاصل ہونے والی توانائی جب استعمال نہیں ہوتی تو وہ جسم میں چکنائی بنانے لگتی ہے-

Right Time to Eat Apple

سیب:

سیب دنیا بھر میں سب سے زیادہ اگائی جانے والی غذاؤں میں سے ایک غذا ہے- سیب صحت کے لیے ایک بہترین غذا ہے جس میں کاربوہائیڈریٹ٬ وٹامن اے٬ سی٬ کے٬ کیلشیم٬ میگنیشیم٬ فاسفورس٬ سوڈیم اور فلورائیڈ پایا جاتا ہے- اس کے علاوہ سیب کے غذائی ریشے نظام ہضم کی آنتوں کو بھی صحت مند بناتے ہیں-
بہترین وقت: مندرجہ بالا تمام خصوصیات کے پیشِ نظر سیب کو صبح کے اوقات میں کھانا چاہیے کیونکہ اس وقت آپ کو پورے دن کے لیے بہترین توانائی فراہم کرسکتا ہے اور آپ کی آنتوں کی صفائی بھی کرسکتا ہے-
بدترین وقت: رات کے اوقات میں سیب کھانا عمل انہضام پر بوجھ بن سکتا ہے- اس کے علاوہ سیب میں موجود تیزابیت رات کے آپ کے اندر موجود تیزابیت میں اضافے کا سبب بھی بن سکتی ہے-

Should I Eat Banana Before or After Meal?

کیلا:

کیلا کھلاڑیوں کے لیے بہترین قرار دیا جاتا ہے کیونکہ اس میں کاربوہائیڈریٹ اور فاسفورس کی بھاری مقدار پائی جاتی ہے-
بہترین وقت: کیلا دوپہر کے وقت کا کھانا بہترین ثابت ہوتا ہے- اس سے حاصل ہونے والی توانائی آپ کی دن بھر کی سرگرمیوں کے لیے کافی ہوتی ہے- اس کے علاوہ یہ تیزابیت کو کم کرنے میں بھی مددگار ثابت ہوتا ہے-
بدترین وقت: کیلا کبھی خالی پیٹ نہیں کھانا چاہیے کیونکہ اس میں موجود میگنیشیم کی بھاری مقدار آپ کے لیے تکلیف دہ ثابت ہوسکتی ہے جبکہ فائبر آپ کی آنتوں کے لیے مسائل پیدا کرسکتا ہے- اس کے علاوہ رات کو کیلا کھانا بلغم پیدا کرتا ہے-

What Time of Day to Eat Meat?

گوشت:

ہم زیادہ تر گوشت کا استعمال رات کے کھانے میں کرتے ہیں- گوشت میں پروٹین کی بھاری مقدار پائی جاتی ہے- تاہم پروٹین ہی کی وجہ سے اسے ہضم ہونے میں کافی وقت درکار ہوتا ہے-
بہترین وقت: دوپہر کے بعد یا شام کے اوقات میں گوشت کھانا بہترین ہے کیونکہ اس وقت اسے ہضم ہونے کے لیے کافی ٹائم مل جاتا ہے- جس کے بعد اس سے حاصل ہونے والی توانائی انسان کو طاقت بخشتی ہے-
بدترین وقت: رات کے وقت گوشت کا استعمال ہضم نہ ہونے کی وجہ سے آپ کے معدے پر بوجھ بن سکتا ہے اور آپ کی نیند بےسکونی کا شکار ہوسکتی ہے-

Do you know the best time to drink milk? or the most suitable time to eat an apple?
Then read on!

Eating food is an important part of our everyday life. We eat foods not only to fulfil our hunger but also to gain a healthy living. Besides this is also a fact that most of us are entirely unaware of the knowledge about which food to eat at what time. And similarly we do not know which foods perform worst at what time.

Today's article describes the best and the worst time to eat some foods which we are eating frequently in our life.

These are the foods described in this article:

• Milk - Doodh
• Rice - Chawal
• Apple - Saib
• Banana - Kaila
• Meat - Gosht