چھوٹے دانوں کے بڑے فوائد ۔۔ جانیئے رائی دانے میں چُھپے چند ایسے فوائد جو دیں آپ کو کئی بڑے مسائل سے نجات

آپ نے ہمیشہ یہ کہاوت تو سُنی ہو گی کہ '' وہ تو رائی کا پہاڑ بنانا جانتا ہے یا اس نے رائی کا پہاڑ بنا لیا'' یہ رائی صرف کہاوت میں ہی نہیں بلکہ ہمارے کھانوں کے ساتھ ساتھ ہماری صحت اور علاج میں بھی بہت بڑا کردار ادا کرتی ہے۔
آج ہم آپ کو بتانے والے ہیں رائی کے استعمال کے بارے میں کچھ حیرت انگیز معلومات، اس کو استعمال کرنے کا طریقہ اور اس کے وہ فوائد جو آپ نے پہلے کبھی نہیں سنے ہوں گے، تو آیئے پھر شروع کرتے ہیں۔

• رائی کا استعمال کریں اور بھرپور فوائد پائیں

• رائی دانے میں موجود غذائیت

رائی دانے ہماری صحت کے لیے مفید ہوتے ہیں جن میں گلوکوسینولیٹ پایا جاتا ہے اور یہی گلوکوسینولیٹ اس کو ایک منفرد ذائقہ دیتا ہے رائی دانے فیٹی ایسڈز، اومیگا تھری، سیلینیوم، مینگنیز، میگنیشیم، کیلشیم، پروٹین، زِنک سے بھرپور ہوتے ہیں۔

• جلد کے لئے مفید

ماہرین کا کہنا ہے کہ رائی اینٹی بیکٹیریل خصوصیات رکھتی ہے اس لئے یہ چنبل کے سبب ہوجانے والے زخموں اور انفیکشنز کا مقابلہ کرتی ہے اور ان سے نجات دلاتی ہے۔

• بلڈ پریشر کنٹرول کرنے کے لئے مفید

رائی دانے میں میگنیشیم موجود ہوتا ہے جو ہائی بلڈ پریشر کو کم کرتا ہے اور یہ آدھے سر کے درد کی شدت میں بھی کمی کا باعث بنتا ہے۔

• نظامِ ہاضمہ بہتر بنانے کے لئے مفید

رائی دانہ نظامِ ہاضمہ کو بھی بہتر بناتا ہے اور یہی وجہ ہے کہ اچار میں بھی اسے شامل کیا جاتا ہے رائی دانہ میٹابولزم کے عمل کو مضبوط بناتا ہے اور نظامِ ہاضمہ کے مسائل کو دور کرتا ہے رائی دانے کے استعمال سے وزن بھی کم ہوتا ہے خاص طور سے باہر نکلا ہوا پیٹ اندر چلا جاتا ہے۔

• جوڑوں کے درد میں مفید

رائی دانہ کیلشیم اور میگنیشیم سے بھرپور ہوتا ہے اور یہ عمر بڑھنے کے ساتھ خواتین کو ہڈیوں سے متعلق مسائل سے محفوظ رکھنے میں اہم کردار ادا کرتا ہے جبکہ اس کے استعمال سے چہرے سے بھی جھریوں کا خاتمہ ہو جاتا ہے۔

• پٹھوں کے درد میں مفید

کمر کے درد یا پٹھوں کی اکڑن کے مسئلے کا شکار افراد چند رائی دانے چبا لیں، اس سے درد میں کمی آئے گی اور پٹھوں کی سختی اور سوجن کم ہو جائے گی۔

• وائرل انفیکشن، الرجی میں مفید

رائی دانہ انفیکشن اور وائرل سے نمٹنے کے لئے بھی بہترین ہے یہ نزلے کی شدت کو کم کرتے ہیں اور سانس کی نالی میں تنگی سے نجات حاصل کرنے میں مدد دیتے ہیں، اگر کسی کو مٹی سے الرجی کے سبب سانس لینے میں دشواری پیش آتی ہے تو وہ رائی کے بیج چبالے تو آرام آ جائے گا۔

• کینسر میں مفید

کینسر سے متاثرہ مریضوں کے لئے رائی دانے کا استعمال بےحد فائدے مند ہے رائی دانوں کے اندر ایسے انزائمز پائے جاتے ہیں جو بڑی آنت کے سرطان کا خاتمہ کرتے ہیں، رائی دانہ کینسر کے خلیوں کو بڑھنے اور پیدا ہونے سے روکنے کی بھی صلاحیت رکھتے ہیں۔