بچہ دیکھنا بھی نصیب نہ ہوا۔۔ پیاری مریم کے اچانک انتقال پر صارفین بوکھلا گئے! مرحومہ کی ریلز پر بحث کی کیا وجہ ہے؟

Pyari Maryam Last Vlog Sparks Debate

پیاری مریم، پاکستان کی مقبول ڈیجیٹل کریئیٹر— اپنے دلکش منی ولاگز، گھریلو زندگی کی جھلکیاں اور خوبصورت لپ سنک ویڈیوز کی وجہ سے لاکھوں دلوں میں جگہ بنا چکی تھیں۔

مریم اپنے پہلے بچے کی آمد کی خوشی میں ڈوبی ہوئی تھیں، مگر قسمت نے دل ہلا دینے والا موڑ لیا، جڑواں بچوں کی پیدائش کے فوراً بعد پیچیدگیوں اور شدید خون بہنے کے باعث وہ دنیا سے رخصت ہوگئیں۔ یہ خبر آتے ہی نہ صرف ان کے چاہنے والے بلکہ پوری ڈیجیٹل کمیونٹی سوگوار ہوگئی۔

ان کے آخری ولاگز کے چند مناظر اس وقت تیزی سے سوشل میڈیا پر زیرِ بحث ہیں۔ ان ویڈیوز میں مریم اپنی روزمرہ کی روٹین، بچوں کی خریداری اور گھر والوں کی خوشیوں کو حیرت اور محبت کے ساتھ دکھا رہی تھیں۔ وہ بار بار یہ بھی کہتی تھیں کہ وہ ہر لمحہ اس لیے شیئر کرتی ہیں تاکہ لوگ اُن کے لیے دعائیں کریں اور ان کے آنے والے سفر میں برکت ہو۔

البتہ اُن کی وفات کے بعد سوشل میڈیا پر ایک نیا مباحثہ چھڑ گیا ہے۔ بے شمار صارفین کا ماننا ہے کہ مریم مسلسل توجہ اور نمایاں ہونے کے باعث نظرِ بد کا شکار بنیں۔ اکثر کا یہی کہنا ہے کہ ہر دیکھنے والا نیک نیت نہیں ہوتا۔

ایک صارف نے افسوس کا اظہار کرتے ہوئے لکھا، "مکمل خاندان خوشیوں میں ڈوبا ہوا تھا، اللہ کی پناہ— نظرِ بد سچ ہے۔ اللہ مریم کی مغفرت کرے اور گھر والوں کو صبر دے۔"

دوسرا کمینٹ تھا، "بہت دکھ کی بات ہے کہ وہ اپنی بچی کو دیکھ بھی نہ پائیں۔ اللہ ان کی منزل آسان کرے۔"

جبکہ ایک صارف نے اختلاف کرتے ہوئے کہا، "ہر سانحے کو نظرِ بد سے نہیں جوڑ دینا چاہیے۔ زندگی اور موت اللہ کے اختیار میں ہے۔"

کچھ لوگوں نے خاندان کو مشورہ دیا کہ، "مریم کی ویڈیوز ہٹا دی جائیں۔"

جبکہ کئی صارفین نے یہ خیال بھی ظاہر کیا کہ، "جو عورت ولادت کے دوران انتقال کر جائے، وہ سیدھی جنت کی حق دار ہوتی ہے۔"

آخر میں ہر دل یہی دعا کر رہا ہے، اللہ مریم کے شوہر کو حوصلہ دے، اُن کے معصوم بچوں کے نصیب روشن کرے، اور مریم کو اعلیٰ مقام عطا فرمائے۔ آمین۔