عورتیں دیواروں سے باتیں کر رہی تھیں اور۔۔ پروین اکبر اولڈ ایج ہوم جا کر ڈپریشن کا شکار! وہاں کیا کچھ دیکھا؟

Parveen Akbar Says She Suffered Severe Depression After Visiting An Old Age Home

سینئر اداکارہ پروین اکبر نے حال ہی میں کراچی کے ایک اولڈ ایج ہوم کا دورہ کرتے ہوئے اپنی آنکھوں سے جو منظر دیکھا، اسے وہ تین دن تک بھول نہ سکیں۔

اداکارہ نے بتایا کہ وہاں کی صورتِ حال نے ان کا دل توڑ دیا اور انہیں شدید افسردگی میں مبتلا کر دیا۔

پروین اکبر نے نجی ٹی وی کے مارننگ شو میں کہا کہ، ماؤں کی بے بسی اور اولاد کی لاتعلقی دیکھ کر دل دہل گیا۔ کئی خواتین اپنی اولاد کی ایک جھلک دیکھنے کی آس لیے بیٹھیں تھیں، مگر ان کے بچوں نے انہیں تنہا چھوڑ دیا تھا۔

انہوں نے بتایا، ایک پڑھی لکھی خاتون نے دکھ کے ساتھ بتایا کہ اس کے چار بچے ہیں، مگر سب نے مل کر اسے اس جگہ چھوڑ دیا کیونکہ شاید وہ ان کے لیے بوجھ بن گئی تھی۔ نہ بیٹے قبول کرنے کو تیار تھے اور نہ بیٹیاں اپنے گھروں میں جگہ دینے پر راضی تھیں۔

اداکارہ نے مزید کہا کہ، کچھ خواتین اتنی ذہنی طور پر پریشان تھیں کہ دیواروں سے باتیں کر رہی تھیں، اور یہ منظر دیکھ کر سمجھ نہیں آتا کہ کون سی اولاد اپنے والدین کو اس حالت میں اکیلا چھوڑ سکتی ہے۔