گوگل پر میری عمر غلط لکھی ہے ۔۔ ندا یاسر نے اپنی صحیح عمر کیا بتائی؟

ندا یاسر ایک شاندار پاکستانی میزبان ہیں جو پاکستان کے سب سے مقبول مارننگ شو گڈ مارننگ پاکستان کی میزبانی کرتی ہیں۔ شو کا فارمیٹ ساتھی اداکاروں کے ساتھ ان کی زندگی کے تجربات سے متعلق بحث پر مبنی ہے۔

حال ہی میں ندا یاسر نے نادیہ جمیل، عروسہ صدیقی اور کومل عزیز کو اپنے شو میں مدعو کیا، جہاں انہوں نے اپنی زندگی کے اہم اسباق کے بارے میں بتایا جو انہوں نے اپنے والدین سے سیکھے۔

شو میں نادیہ جمیل اور کومل عزیز خان نے گفتگو کی کہ وقت کے ساتھ عادات کیسے بدلتی ہیں اور بحث کے دوران انہوں نے اپنی اصل عمر بھی بتائی۔

نادیہ جمیل نے کہا، میری عمر اب 52 سال ہے۔ جب انہوں نے اپنی عمر بتائی تو ندا یاسر بے چین ہو گئیں۔

ندا نے کہا، "میں اپنی عمر کسی کو نہیں بتاتی اور نہ ہی کسی کو بتاؤں گی۔ لیکن ہاں، گوگل پر بتائی گئی میری عمر درست نہیں ہے"۔

جبکہ کومل عزیز خان کا کہنا تھا کہ وہ اپنی عمر کبھی نہیں چھپاتیں اور اب ان کی عمر 34 سال ہے۔

ویسے گوگل کے مطابق ندا یاسر کی عمر 50 سال ہے۔