بیٹی یا بیٹا؟ منال خان کے ہاں پہلے بچے کی پیدائش، نام کیا رکھا؟

Minal Khan Welcome Baby Boy

اداکارہ منال خان کے ہاں بیٹے کی پیدائش ہوئی ہے۔ اداکارہ اور ان کے شوہر احسن محسن اکرام کی جانب سے بدھ کی دوپہر انسٹاگرام پر پوسٹ شیئر کی گئی جس میں انہوں نے مداحوں کو خوشخبری سے آگاہ کیا کہ ہمارے ہاں بیٹے کی پیدائش ہوئی۔ منال اور احسن کے ہاں بدھ کی صبح 10 بج کر 48 منٹ پر ننھے مہمان کی آمد ہوئی جس کا نام محمد حسن اکرام رکھا گیا ہے۔ اداکارہ کی جانب سے شیئر کردہ پوسٹ پر انہوں نے مداحوں سے دعاؤں کی اپیل بھی کی ہے۔ منال خان کی پوسٹ پر معروف شوبز شخصیات کمنٹس کررہی ہیں اور جوڑے کو مبارک باد دے رہی ہیں اور ساتھ ہی مداحوں کی جانب سے بھی احسن، منال اور ان کے ننھے مہمان کے لیے نیک خواہشات کا اظہار کیا جارہا ہے۔

ایمن خان نے اپنے کچھ روز قبل شیئر کیے گئے ایک وی لاگ میں بتایا تھا کہ پہلے ڈاکٹر نے کہا تھا کہ بیٹی ہوگی تو ہم نے بیٹی کی شپانگ کرلی تھی لیکن اب بیٹے کے بارے میں بتایا جا رہا ہے اس لیے ہم اب بچے کی پیدائش کی تیاریاں کر رہے ہیں۔