گھر بیٹھے خود کو خوبصورت بنانا چاہتی ہیں؟ اب صرف ٹماٹر کے اسطرح استعمال سے رنگ کو گورا اور جلد کو چمکدار بنائیں

ٹماٹر کھانے کے جہاں اتنے سارے فوائد ہیں وہیں یہ جلد کے لیئے بھی بہت فائدہ مند ہے۔ اس کے استعمال سے جلد کے کئی بنیادی مسائل حل ہوتے ہیں اور ساتھ ہی دھوپ سے جلا رنگ بھی صاف ہوجاتا ہے۔

آج کے فوڈز آپ کو ٹماٹر کے چند مفید استعمال بتانے جا رہا ہے، جو ہر طرح سے آپ کی جلد کی خوبصورتی میں اضافہ کریں گے۔

ٹماٹر کے استعمال سے جلد کے مسائل حل:

گرمی سے جلد کی رنگت خراب ہوجاتی ہے اور کالے دھبے بھی پڑجاتے ہیں جوکہ میک اپ کرکے بھی نہیں چھپتے۔ اگر آپ کے ساتھ بھی یہی مسئلہ ہے تو اپنے فریج میں رکھے ہوئے دو ٹماٹر نکالیں اور اپنے مسئلے کا حل تلاش کرلیں۔

ٹماٹر سے رنگ گورا کرنے کی ٹپ:

٭ ٹماٹروں کو اچھی طرح دھو لیں اور کاٹ کر دو ٹکڑے کرلیں۔
٭ تین ٹماٹروں کا رس نکال لیں اور اس کو تین حصوں میں کرلیں یعنی دو الگ الگ پیالیوں میں آدھا آدھا کرکے رکھ لیں۔
٭ اب ایک پیالی میں تھوڑا سا ٹماٹر کا رس لیں اس میں ایک چمچ دودھ ڈال کر چہرے پر لگائیں اور دس منٹ تک مساج کرتی رہیں۔ گیلے کپڑے کی مدد سے چہرہ صاف کرلیں۔
٭ ٹماٹر کے رس میں ایک چمچ شہد، ہلدی، لیموں کا رس اور ایک چمچ دہی شامل کرے پیسٹ بنالیں پھر اس کو اچھی طرح اپنے چہرے پر لگا کر مساج کریں اور کچھ دیر چھوڑ دیں۔ پھر ٹھنڈے پانی سے منہ دھولیں۔
٭ بہتر نتائج چاہتی ہیں تو اس فیشل کو روزانہ استعمال کریں تاکہ آپ کی جلد نکھر جائے اور تمام داغ دھبے بھی ختم ہوجائیں۔

ٹماٹر سے بلیک ہیڈز صاف کرنے کی ٹپ:

٭ دو ٹماٹروں کو اچھی طرح دھو لیں اور بلینڈر میں ڈال کر پیسٹ بنالیں۔ اس میں چار سے پانچ چمچ کورن فلور ڈال کر ملائیں اور ہلکی آنچ پر سات منٹ تک پکاتے رہیں۔
٭ ٹھنڈا ہونے پر اس میں ایک لیموں کا رس ، دو وٹامن ای کے کیپسول، ایلوویرا جیل، آدھا چمچ زیتون کا تیل اور عرقِ گلاب شامل کرکے اچھی طرح ملالیں۔
٭ اس کریم کو روزانہ دن میں دو مرتبہ چہرے پر دس منت لگاکر سادے پانی سے دھو لیں، آپ دیکھیں کہ اس سے نہ صرف رنگ گورا ہوگا بلکہ چہرے کی جلد بھی ٹائٹ ہوجائے گی ، گردوغبار بھی نہیں رہے گا ساتھ ہی بلیک ہیڈز قدرتی طور پر صاف ہوجائیں گے۔