گووندا اور سنیتا کی طلاق کی وجہ کون سی اداکارہ ہے؟ 37 برس بعد شادی ٹوٹنے کی خبروں نے مداحوں کا دل دکھا دیا

Govinda And Sunita Divorce Rumors

بالی وڈ کے معروف اداکار گووندا اور ان کی اہلیہ سنیتا آہوجا کے درمیان 37 سالہ رفاقت کے خاتمے کی خبریں میڈیا میں ہلچل مچا رہی ہیں۔ بھارتی سوشل میڈیا پر دعویٰ کیا جا رہا ہے کہ یہ جوڑا اب علیحدگی کے آخری مراحل میں ہے۔

افواہوں کا بازار گرم ہے کہ گووندا کی ایک 30 سالہ مراٹھی اداکارہ سے قربت ان کی ازدواجی زندگی میں دراڑ ڈالنے کا سبب بنی ہے۔ تاہم، نہ تو گووندا اور نہ ہی سنیتا نے ان خبروں کی تصدیق یا تردید کی ہے، جس سے قیاس آرائیاں مزید شدت اختیار کر گئی ہیں۔

گووندا اور سنیتا کی کہانی 1987 میں اس وقت شروع ہوئی جب گووندا فلم انڈسٹری میں اپنا نام بنانے کی جدوجہد کر رہے تھے۔ دونوں نے خفیہ طور پر شادی کر لی تھی، جو بعد میں منظرِ عام پر آئی۔ اس جوڑے کے دو بچے ہیں – ایک بیٹا اور ایک بیٹی۔

دلچسپ بات یہ ہے کہ کچھ عرصہ قبل ایک انٹرویو میں سنیتا آہوجا نے خود انکشاف کیا تھا کہ وہ اور گووندا زیادہ تر الگ الگ گھروں میں رہتے ہیں۔ اس کی وجہ بتاتے ہوئے انہوں نے کہا تھا:

"گووندا کو باتیں کرنے کا بہت شوق ہے، ان کی دن بھر میٹنگز چلتی رہتی ہیں، اور وہ ہمیشہ کسی نہ کسی کے ساتھ گپ شپ میں مصروف ہوتے ہیں۔ اس لیے وہ زیادہ وقت الگ گزارتے ہیں۔"