اب بنائیں باورچی خانے میں کام کو آسان جانیں چند ایسی ٹپس جن کو اپنا کر آپ بھی کر سکیں گی اپنا ہر کام آسانی سے بِنا وقت ضائع کئے

خواتین اور اکثر مرد بھی باورچی خانے میں کام کرنے میں کئی گھنٹے لگا دیتے ہیں اور منٹوں میں ہونے والے کام کے لئے اتنی محنت کرتے ہیں جس کی وجہ سے ان کی طاقت اور وقت دونوں ہی ضائع ہوتے ہیں لیکن اب ایسا کرنے کی ضرورت نہیں۔
کیونکہ آج کے فوڈز آپ کے لئے لایا ہے باورچی خانے میں آپ کے کام کو آسان کرنے والی چند ایسی ٹپس جن کو اپنا کر آپ بھی اپنے کئی کام آسانی سے کر سکیں گے وہ بھی وقت ضائع کئے بِنا۔

ایسی کچن ٹپس جو بنائیں آپ کا کام آسان

آلو

آلو کو اُبالتے وقت ان کو دھو کر پانی میں ڈالیں اور اس پانی میں ایک چٹکی نمک بھی شامل کر دیں ایسا کرنے سےآلو کا چھِلکا اُبلنے کے بعد آسانی سے اُتر جائے گا۔

کھانے میں اجزاء

کوئی بھی کھانا بناتے وقت اگر آپ اس ترتیب سے ہانڈی میں اجزاء شامل کریں جو ہم آپ کو بتا رہے ہیں تو کھانا ذائقے دار اور جلدی تیار ہوگا، پہلے تیل، پھر ادرک لہسن پھر پیاز، اب کھڑا گرم مصالحہ اس کے بعد ٹماٹر یا دہی اور آخر میں ہلدی، نمک، لال مرچ اور دیگر مصالحے شامل کریں اس طرح کھانا تیار ہونے میں وقت کم لگے گا اور ذائقہ لاجواب ہوگا۔

مٹر

اگر آپ چاہتے ہیں کہ مٹر بناتگے وقت اس کا ہرا رنگ کم نہ ہو اور رنگ تازے مٹر کی طرح برقرار رہے تو مٹر کو اُبالنے سے پہلے پانی میں ایک چائے کا چمچ چینی شامل کر دیں، اس کا رنگ برقرار رہے گا۔

دالیں

دالیں بناتے وقت جب انہیں اُبالیں تو اس میں ایک چائے کا چمچ تیل شامل تو یہ زیادہ گلنے اور پھیلنے سے بچ جاتی ہیں اس طرح ان کی شکل اور زائقہ خراب نہیں ہوتا۔

جلنے سے بچائیں

اگر آپ چاہتے ہیں کہ آپ کی کھیر، دلیہ یا دودھ والی کوئی اور چیز لگے نہ اور جلے نہ تو اس کے لئے موٹے تلے والے برتن میں ان چیزوں کو پکائیں اور ایسا کوئی برتن برتن نہیں ہے تو پتیلی کے نیچے توا رکھ کر پکائیں تو یہ لگنے اور جلنے سے بچ جائے گا۔

چپکنے سے بچائیں

اگر آپ نوڈلز یا پاستہ بنا رہی ہیں تو اس کو اُبالتے وقت اس میں ایک چائے کا چمچ تیل ملا کر اسے اُبالیں اور جب یہ اُبل جائے تو اس کو ٹھنڈے پانی کے نیچے سے گزار کر پھر اس سے پانی چھان کر الگ کر لیں یہ آپس میں چپکیں گے نہیں۔

By Sadia    |    In Tips and Totkay   |    0 Comments    |    1580 Views    |    28 Jun 2021

Related Articles

Comments/Ask Question

Read Blog about اب بنائیں باورچی خانے میں کام کو آسان جانیں چند ایسی ٹپس جن کو اپنا کر آپ بھی کر سکیں گی اپنا ہر کام آسانی سے بِنا وقت ضائع کئے and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (اب بنائیں باورچی خانے میں کام کو آسان جانیں چند ایسی ٹپس جن کو اپنا کر آپ بھی کر سکیں گی اپنا ہر کام آسانی سے بِنا وقت ضائع کئے) and how to utilize other natural ingredients to cure diseases, easy recipes, and other information related to food from KFoods.