اپنی ساس کی وجہ سے آئی ہوں، ورنہ۔۔ ڈاکٹر نبیہا علی کے ساتھ شادی کے بعد ایسا کیا ہوگیا؟ ولیمے میں ہی انٹرویو دے دیا

Dr Nabiha Ali Talks About Evil Eye In Her Reception

کلینیکل سائیکالوجسٹ، سابق نیوز اینکر اور ڈیجیٹل میڈیا پر اپنے بے باک اور متنازع بیانات کے باعث خبروں میں رہنے والی ڈاکٹر نبیہا علی خان ایک بار پھر توجہ کا مرکز بن گئیں۔

گزشتہ روز لاہور میں ڈاکٹر نبیہا علی خان کا ولیمہ منعقد کیا گیا، جہاں انہوں نے گہرے جامنی اور ہلکے گلابی رنگ کا دیدہ زیب لہنگا زیب تن کیا، جس پر سنہری کڑھائی اور نفیس کام نمایاں تھا۔ بالوں کو ہاف ٹائی اسٹائل میں سجایا گیا جبکہ بھاری جیولری نے ان کے لُک کو مزید نمایاں بنا دیا۔ تاہم تقریب کے دوران وہ کچھ بجھی ہوئی دکھائی دیں کیونکہ وہ وائرل انفیکشن میں مبتلا تھیں۔

ولیمے کے موقع پر گفتگو کرتے ہوئے ڈاکٹر نبیہا نے انکشاف کیا کہ وہ نظرِ بد کا شکار ہو گئیں، جس کے باعث شدید گلے کی تکلیف اور نزلہ ہو گیا۔

ان کا کہنا تھا کہ ساس کی دعاؤں اور تلاوت کی بدولت ہی وہ اس قابل ہو سکیں کہ ولیمے میں شریک ہوئیں۔ انہوں نے مزید بتایا کہ شادی کی تمام تیاریوں کا بوجھ خود اٹھانے کی وجہ سے شدید تھکن محسوس ہوئی، مگر اس کے باوجود نکاح کے بعد بھی ان کے پروفیشنل کام میں کوئی وقفہ نہیں آیا۔

اس موقع پر ڈاکٹر نبیہا کے شوہر حارث کھوکھر نے ناقدین پر سخت ردِعمل دیتے ہوئے کہا کہ حسد کرنے والے لوگ تنقید کے بغیر رہ ہی نہیں سکتے اور دراصل وہ انہی کے نام پر کمائی کر رہے ہیں، اس لیے انہیں جو کرنا ہے کرنے دیا جائے۔

تاہم ڈاکٹر نبیہا علی خان نے شوہر کے اس مؤقف سے اختلاف کرتے ہوئے واضح کیا کہ وہ بہت جلد اپنے خلاف بولنے والوں کے خلاف قانونی کارروائی کا ارادہ رکھتی ہیں۔ ان کا کہنا تھا کہ اب خاموش رہنے کے بجائے وہ قانون کے ذریعے جواب دیں گی۔