جھریاں ہٹانے کے چکر میں چہرہ ہی بگاڑ لیا۔۔ اسماء عباس کا کون سا اسکن ٹریٹمنٹ الٹا پڑ گیا؟

Asma Abbas Face Treatment Goes Wrong

پاکستانی ڈرامہ انڈسٹری کی سینئر اور ہر دلعزیز اداکارہ اسما عباس ہمیشہ اپنی دلکش اداکاری اور خوش مزاج شخصیت کی وجہ سے پسند کی جاتی ہیں۔ فن کی دنیا میں ان کا تعلق ایک باصلاحیت فیملی سے ہے جس کی تین نسلیں شوبز میں خدمات انجام دے چکی ہیں۔

حالیہ دنوں ان کے یوٹیوب چینل پر خاموشی چھائی ہوئی تھی، جس کی وجہ آخرکار اسما نے خود بتا دی۔ انہوں نے مداحوں کو بتایا کہ ان کے چہرے پر فریکلز (جھائیاں) بہت زیادہ ہو گئی تھیں۔ یہ اُن کے خاندان میں موروثی ہیں – ان کے والد اور بہن کو بھی یہی مسئلہ تھا۔ لیکن کیموتھراپی کے بعد یہ مسئلہ تیزی سے بڑھ گیا۔

ڈاکٹرز نے مشورہ دیا کہ فریکلز کو ہٹانے کا مؤثر طریقہ صرف "کاؤٹری" کا ہے، یعنی برقی طریقے سے انہیں جلانا۔ مسلسل فاؤنڈیشن لگانے سے تنگ آ کر انہوں نے یہ عمل کروا لیا۔ مگر مسئلہ تب پیدا ہوا جب وہ اس عمل کے فوراً بعد اپنی بیٹی اور بہو کے ساتھ ایک فیس ماسک لگا بیٹھیں۔

افسوس کہ وہ ماسک اُن کی جلد کو سوٹ نہ کر سکا اور چہرے پر شدید الرجی ہو گئی۔ اب ان کا چہرہ سرخ دھبوں سے بھر گیا ہے اور خاصا تکلیف دہ بھی ہو چکا ہے۔

ڈاکٹرز نے انہیں مکمل آرام، صبر اور باقاعدہ دوا لینے کی ہدایت کی ہے۔ ان کا کہنا ہے کہ کچھ دنوں میں سب کچھ ٹھیک ہو جائے گا، مگر فی الحال اسما عباس کو خاصی پریشانی کا سامنا ہے۔

ہم امید کرتے ہیں کہ وہ جلدی صحتیاب ہو کر دوبارہ اپنی مسکراہٹ اور مثبت توانائی کے ساتھ واپس آئیں گی۔