اگر آپ کے پیر کے ناخن بھی گوشت میں دھنس کر انفیکشن کا باعث بنتے ہیں تو ان گھریلو نسخوں کے استعمال سے خود کو تکلیف سے بچائیں

عام طور پر ہر ہفتے ہاتھوں پیروں کے ناخن باقاعدگی سے تراشنا انسانی صحت کے لیے بہت ضروری ہوتا ہے مگر بعض افراد کے پیروں کے ناخنوں کی بناوٹ کچھ اس طرح ہوتی ہے کہ وہ اوپر کی جانب بڑھنے کے بجائے گوشت کے اندر دھنستے جاتے ہیں- یا پھر تنگ جوتوں کے استعمال کے سبب بھی ناخنوں کو اوپر کی جانب بڑھنے کا موقع نہیں مل سکتا ہے اور وہ گوشت کے اندر دھنس کر انفیکشن کا باعث بنتے ہیں اور نتیجے کے طور پر آپریشن کے ذریعے ناخن کو نکلوانے کے تکلیف دہ مرحلے سے گزرنا پڑتا ہے- ان حالات میں ان گھریلو ٹوٹکوں کے استعمال سے نہ صرف اس انفیکشن کا خاتمہ کیا جا سکتا ہے بلکہ آئندہ بھی اس سے بچا جا سکتا ہے-

1: پاؤں کو نیم گرم صابن والے پانی میں بھگونا

اگر ناخن گوشت میں دھنس جائے تو اس صورت میں دن میں تین بار پاؤں کو نیم گرم صابن والے پانی میں بیس منٹ تک بھگو کر رکھیں- زیادہ بہتر نتائج کے لیے پانی میں تھوڑا نمک بھی شامل کیا جا سکتا ہے اس سے نہ صرف درد میں افاقہ ہو گا بلکہ جلد کی نرمی سے ناخن کو گوشت سے نکالنے میں بھی مدد ملے گی -

2: سیب کے سرکے میں پاؤں کو بھگونا

سیب کا سرکہ اپنی افادیت کے لحاظ سے بہت اچھی چیز ہے یہ ایک جانب تو جراثیم کش ہوتا ہے اس کے ساتھ ساتھ یہ سوزش کا بھی خاتمہ کرتا ہے اور درد سے نجات دلانے میں بھی مددگار ثابت ہوتا ہے- اس کے لیے ایک ٹب نیم گرم پانی میں ایک چوتھائی کپ سیب کے سرکے کو شامل کریں اور بیس منٹ تک اس میں پیر کو بھگوئيں اس کے بعد پیر کو خشک کر لیں-

3: ناخن پر اینٹی بائوٹک مرہم لگائيں

انفیکشن کے خاتمے اور جراثیموں کو بڑھنے سے روکنے کے لیے اینٹی بائوٹک مرہم بہت ضروری ہے اس لیے ناخن اور اس کے اردگرد کی جلد پر اینٹی بائيوٹک مرہم لگانے کے بعد اس کے اوپر پٹی کر لیں تاکہ گوشت نرم ہو سکے اور ناخن کی نمو درست انداز میں باہر کی جانب ہو سکے-

4: آرام دہ جوتوں اور موزوں کا استعمال کریں

ناخن کے گوشت میں دھنسنے کا ایک سبب تنگ جوتے بھی ہیں اس لیے اس تکلیف کی صورت میں ایسے جوتوں کے استعمال سے اجتناب برتیں جو تنگ ہوں اور ان کی جگہ کھلے جوتے اور آرام دہ سوتی موزوں کا استعمال کریں تاکہ ناخن کو مزید تکلیف نہ ہو-

5: پیاز یا لہسن کا استعمال

تھوڑے سے پکانے کے آئل میں ایک جویا لہسن یا چھوٹا ٹکڑا پیاز کا کاٹ کر ہلکا سا سنہرہ کر لیں- اس کے بعد اس کو نیم گرم حالت میں ناخن پر رات بھر کے لیے باندھ دیں صبح تک نہ صرف انفیکشن کا خاتمہ ہو جائے گا بلکہ ناخن بھی جلد کے نرم ہونے کے سبب درست حالت میں آجائے گا-

6: روئی لگائيں

اس طریقے میں جلد کو نرم کرنے کے بعد روئي کا چھوٹا سا پھاھا ناخن کے نیچے رکھ دیا جاتا ہے تاکہ ناخن درست جگہ سے آگنا شروع کر دے یہ اگرچہ ایک مقبول عام طریقہ ہے مگر اس طریقے سے تکلیف بڑھنے کا اندیشہ ہوتا ہے-

7: لیموں کا عرق اور شہد

لیموں اور شہد دونوں ہی زخموں کے لیے بہترین ہوتے ہیں اس لیے ان دونوں کو ملا کر پٹی باندھ دینے سے چند دنوں ہی میں تکلیف سے نجات مل سکتی ہے-
یہ تمام نسخے اگرچہ کافی حد تک تکلیف کو کم کرنے کا سبب بن سکتے ہیں لیکن اگر دو سے تین دن استعمال کے باوجود بھی اگر آرام نہ آئے تو فوری طور پر ڈاکٹر سے رجوع کرنا چاہیۓ اور اس کی ہدایات کی روشنی میں عمل کرنا چاہیے-

Angothon Ke Infection Ka Ilaj

Discover a variety of Health and Fitness articles on our page, including topics like Angothon Ke Infection Ka Ilaj and other health issues. Get detailed insights and practical tips for Angothon Ke Infection Ka Ilaj to help you on your journey to a healthier life. Our easy-to-read content keeps you informed and empowered as you work towards a better lifestyle.

By Aqib Shahzad  |   In Health and Fitness  |   0 Comments   |   8408 Views   |   28 Aug 2021
About the Author:

Aqib Shahzad is a content writer with expertise in publishing news articles with strong academic background. Aqib Shahzad is dedicated content writer for news and featured content especially food recipes, daily life tips & tricks related topics and currently employed as content writer at kfoods.com.

Related Articles
Top Trending
COMMENTS | ASK QUESTION (Last Updated: 27 February 2024)

اگر آپ کے پیر کے ناخن بھی گوشت میں دھنس کر انفیکشن کا باعث بنتے ہیں تو ان گھریلو نسخوں کے استعمال سے خود کو تکلیف سے بچائیں

اگر آپ کے پیر کے ناخن بھی گوشت میں دھنس کر انفیکشن کا باعث بنتے ہیں تو ان گھریلو نسخوں کے استعمال سے خود کو تکلیف سے بچائیں ہر کسی کے لیے جاننا ضروری ہیں کیونکہ یہ ایک اہم معلومات ہے۔ اگر آپ کے پیر کے ناخن بھی گوشت میں دھنس کر انفیکشن کا باعث بنتے ہیں تو ان گھریلو نسخوں کے استعمال سے خود کو تکلیف سے بچائیں سے متعلق تفصیلی معلومات آپ کو اس آرٹیکل میں بآسانی مل جائے گی۔ ہمارے پیج پر کھانوں، مصالحوں، ادویات، بیماریوں، فیشن، سیلیبریٹیز، ٹپس اینڈ ٹرکس، ہربلسٹ اور مشہور شیف کی بتائی ہوئی ہر قسم کی ٹپ دستیاب ہے۔ مزید لائف ٹپس، صحت، قدرتی اجزاء اور ماڈرن ریمیڈی کے فوڈز میں موجود ہے۔