نانی چاہتی تھیں کہ ڈاکٹر بنوں لیکن۔۔ عنبر خان دبئی سے پاکستان آ کر ناکام کیوں ہو گئیں؟

عنبر خان پاکستانی ٹی وی انڈسٹری کا ایک جانا مانا نام ہیں، نے انکشاف کیا ہے کہ وہ دبئی سے پاکستان ڈاکٹر بننے آئی تھیں۔

حال ہی میں عنبر خان نے اپنی بہن کرن خان کے ساتھ ایک شو میں بطور مہمان شرکت کی، جہاں انہوں نے مختلف موضوعات پر بات کی۔

شو کے دوران ان سے تعلیم کے حوالے سے بات کی گئی۔ جس پر ان کا کہنا تھا کہ، میری ابتدائی تعلیم دبئی میں ہوئی ہے اور اعلیٰ تعلیم کے لیئے پاکستان بھیج دیا گیا تھا۔

عنبر نے تفصیلاً بتایا کہ، دراصل میں دبئی سے نانی کے کہنے پر پاکستان شفٹ ہوئی تھی، میری نانی نے میرا برین واش کر کے مجھے ڈاکٹر بننے کے لیے پاکستان بھیجا تھا۔ نانی کا کہنا تھا کہ میں ڈاکٹر بن کر، کوٹ پہن کر بہت اچھی لگوں گی، میں ایسی ڈاکٹر بنوں گی جسے مریض دیکھ کر خوش ہوں گے۔

انہوں نے مزید بتایا کہ، میرا بھائی مجھ سے پہلے پاکستان آگیا تھا، اسلیئے میں نے سوچا کہ چلی جاتی ہوں، بھائی بھی وہاں اکیلا ہے اور پھر میں دبئی سے پاکستان شفٹ ہو گئی۔ پاکستان آنے کے بعد میٹرک یہیں سے کیا، لیکن میڈیکل میں دو نمبروں سے رہ گئی، جس کی وجہ سے ڈاکٹر نہیں بن سکی۔ بعدازاں میں نے کامرس میں تعلیم مکمل کی۔