چھاتی کے بال پر ہی چڑ گئیں۔۔ عتیقہ اوڈھو کی تنقید پر علی رضا نے انہیں مزید کیسے تپایا؟

Ali Raza Gives Epic Reply To Atiqa Odho

پاکستان کی معروف اداکارہ عتیقہ اوڈھو نے حال ہی میں ڈرامہ سیریل "دستک" میں علی رضا کے انداز کو تنقید کا نشانہ بنایا۔ اُن کا کہنا تھا، "لباس جو مرضی پہنو، لیکن خدارا اپنی بالوں والی چھاتی نہ دکھاؤ، یہ دل و دماغ پر بھاری گزرتی ہے۔"

یہاں تک کہ اُنہوں نے مذاقاً انہیں کسی اچھے سیلون جانے کا مشورہ بھی دے ڈالا۔

یہ بیان سوشل میڈیا پر جنگل کی آگ کی طرح پھیل گیا — اور پھر علی رضا نے بھی کوئی کسر نہ چھوڑی۔

علی رضا کا جوابی وار:

علی رضا نے حال ہی میں انسٹاگرام پر اپنی نئی تصاویر شیئر کیں جن میں وہ آف وائٹ رنگ کی بغیر آستین والی سویٹر پہنے نظر آئے، جس میں چمکتا ہوا سرخ اسٹیکر لگا تھا۔

کیپشن میں انہوں نے لکھا، "امید ہے بالوں کے بعد اب بغیر آستین والی شرٹ سے مسئلہ نہیں ہوگا۔"

مداحوں کی ملی جلی رائے:

علی رضا کے مداحوں کو اُن کا یہ مذاق بہت بھایا۔ ایک فالوور نے لکھا، بال نارمل ہوتے ہیں، مردانہ وجاہت کی پہچان! ایک آنتی کی بات دل پر نہ لو۔ تم جیسے ہو، ویسے رہو۔"

دوسرا بولا، "دنیا میں کچھ بھی کر لو، اعتراض بہرحال ہوگا۔ تم بس اپنا کام کرتے جاؤ!"

ایک مداح نے تو حد ہی کر دی لکھا، "نہ ہمیں تمہاری چھاتی سے مسئلہ ہے، نہ بغیر آستین کے کپڑوں سے، نہ ہی بغیر قمیض کے۔"

لیکن جہاں تعریف، وہاں تنقید بھی لازم ہے۔

ایک صارف نے عتیقہ اوڈھو کی حمایت میں لکھا، "ایسی چھاتی دیکھ کر طبیعت ہی خراب ہو جاتی ہے۔"

جبکہ ایک اور نے طنز کیا، "مشہور ہو کر دماغ خراب کر بیٹھے ہو، تمہارا شو بھی کسی اور کا چربہ تھا۔"

تو بات یہ ہے کہ بال ہوں یا نہ ہوں، سب کی اپنی پسند ہے۔ لیکن علی رضا نے جس مزاحیہ اور پُراعتماد انداز میں جواب دیا، وہ واقعی داد کے قابل ہے۔