Seafood Crisp Recipe in Urdu

اجزاء:
مچھلی۔۔۔۔۔۔۔۔۔ دوسو گرام
میدہ۔۔۔۔۔۔۔۔۔۔۔ ڈھائی پیالی
کارن فلور۔۔۔۔۔۔۔۔۔۔ آدھی پیالی
نمک۔۔۔۔۔۔۔۔۔۔۔۔۔ حسب ذائقہ
لہسن کے جوئے۔۔۔۔۔۔۔۔۔۔ دو سے تین عدد
انڈے۔۔۔۔۔۔۔۔۔۔۔ دو عدد
پیاز۔۔۔۔۔۔۔۔۔۔۔ ایک عدد درمیانی
ٹماٹر۔۔۔۔۔۔۔۔۔۔۔۔۔ دو عدد درمیانے
کالی مرچ کٹی ہوئی۔۔۔۔۔۔۔۔۔۔۔۔۔ ایک چائے کاچمچہ
مسٹرڈ پاؤڈر۔۔۔۔۔۔۔۔۔۔۔۔۔ ایک چائے کا چمچہ
چکن پاؤڈر۔۔۔۔۔۔۔۔۔۔۔۔۔ ایک کھانے کا چمچہ
آئل۔۔۔۔۔۔۔۔۔۔۔۔۔۔۔۔ حسب ضرورت

مچھلی کو صاف دھو کر چھلنی میں خشک کرنے کے لیے رکھ دیں۔پیاز اور ٹماٹر کو باریک چوپ کر لیں۔
ایک پیالے میں کچلا ہوا لہسن،نمک،کالی مرچ،اور مسٹرڈ پیسٹ ڈال کر ملائیں اور مچھلی کو اس میں میرنینٹ کر کے پندرہ سے بییس منٹ کے لیے رکھ دیں۔
میدہ،کارن فلور،چکن پاؤڈر کو ایک پیالے میں ڈال کر ملائیں اور اس میں ایک ایک کر کے انڈا ملاتے جائیں۔
پھر اس میں تھوڑا تھوڑا کر کے ٹھنڈا پانی ڈالتے ہوئے گاڑھا سا آمیزہ تیار کر لیں۔
فرائینگ پین میں ایک سے دو کھانے کے چمچے آئل ڈال کر ایک سے دو منٹ درمیانی آنچ پر گرم کریں۔
آنچ ہلکی کرکے اس میں آدھی پیالی آمیزہ ڈال دیں اور فرائینگ پین کو گھماتے ہوئے پھلائیں۔
ایک سے دو منٹ میں جب ایک طرف سے اچھی طرح سک جائے تو فرائینگ پین سے نکال لیں،اسی طرح سارے پین کیک بنا کر رکھتے جائیں۔
پھر اسی فرائینگ پین میں ایک سے دو کھانے کے چمچ آئل ڈال کر پیاز کو ہلکا سا نرم ہونے تک فرائی کریں۔
پھر اس میں میرینیٹ کی ہوئی مچھلی ڈال کر تیز آنچ پر تین سے چار منٹ فرائی کریں اور لکڑی کے چمچ سے کچلتے ہوئے دو سے تین منٹ مزید فرائی کرلیں۔ٹماٹر ڈال کر چولہے سے اتار لیں۔