Sarson Ka Saag Recipe in Urdu

اجزاء:
سرسوں کے پتے — 4 گٹھی
پالک — 1 گٹھی
بتھو — 1 گٹھی (اختیاری مگر دیہات میں ضروری سمجھا جاتا ہے)
ادرک — ایک چھوٹا ٹکڑا
لہسن — 6 سے 8 جوے
پیاز — 1 درمیانی
ہری مرچیں — 3 سے 4
مکی کا آٹا — 3 کھانے کے چمچے
نمک — حسبِ ذائقہ
گھی — 3 سے 4 کھانے کے چمچے (دیہات میں اکثر دیسی گھی)
پانی — ضرورت کے مطابق

1) سبزیوں کی تیاری
سب سے پہلے سرسوں، پالک اور بتھو کو اچھی طرح دھو کر موٹے موٹے کتر لیں۔
دیہات میں انہیں باریک کاٹنے کی ضرورت نہیں سمجھی جاتی۔

2) ہلکی آنچ پر اُبالنا

ایک بڑی پتیلی میں تمام سبزیاں ڈالیں، نمک شامل کریں اور تھوڑا پانی ڈال کر ہلکی آنچ پر رکھ دیں۔
ساتھ ہی ادرک کے تھوڑے ٹکڑے، لہسن اور ہری مرچیں بھی شامل کر دیں۔
دیہات میں اسے 2 سے 3 گھنٹے دھیمی آنچ پر پکایا جاتا ہے تاکہ ساگ کی اپنی خوشبو نکھر آئے۔

3) گھوٹنے کا مرحلہ (اصل دیسی ٹچ)

جب سبزیاں اچھی طرح گل جائیں تو مکی کا آٹا چھڑک کر لکڑی والا گھوٹا (madhani) استعمال کرتے ہوئے ساگ کو اچھی طرح گھوٹیں۔
آٹے کا کام ساگ کو گاڑھا کرنا ہے اور یہی گاؤں والا اصل ٹیکنک ہے۔
اگر گھوٹا نہ ہو تو چمچ سے بھی کر سکتے ہیں مگر اصل ذائقہ گھوٹنے سے ہی آتا ہے۔

4) تڑکا — دیہاتی خوشبو

ایک چھوٹے پین میں دیسی گھی گرم کریں۔
لہسن کے موٹے موٹے سلائس ڈال کر ہلکا براون کریں۔
چاہیں تو پیاز اور لال مرچ بھی شامل کر سکتے ہیں (دیہاتی انداز میں لہسن کافی ہوتا ہے)۔
یہ تڑکا گرم گرم ساگ پر ڈال دیں۔

5) گرم گرم سرو کریں

سرسوں کا ساگ ہمیشہ ان چیزوں کے ساتھ پیش کیا جاتا ہے:
مکئی کی روٹی
اوپر سے ایک چمچ دیسی گھی
ساتھ میں مکھن، لسی یا پیاز