Pop Corn Recipe in Urdu

اجزاء:
جو خواتین بچوں کو مارکیٹ لے کر جاتی ہیں انہیں معلوم ہوگا کہ وہاں موجود پارپ کارن شاپ پر بچے کس طرح ضد کرنے لگتے ہیں اور مہنگے پاپ کارن لے کر ہی ٹلتے ہیں۔ تو آج ہم آپکو وہی رنگین پاپ کارن گھر میں بنانے کا طریقہ بتا رہے ہیں تا کہ اگلی بار آپ اپنے بچوں کو وہی چیز گھر میں بنا کے دیں اور زیادہ خرچے سے بچ سکیں۔

رینبو/ رنگین پاپ کارن بنانے کیلیئے:

۔ مکئی (پاپ کارن بنانے والی) 1 پاؤ

۔ تیل/ گھی 3 چمچ

۔ فوڈ کلرز (جتنے رنگ چاہیئے)

۔ چینی 1 کپ

ایک برتن میں تیل/ گھی ڈال کر اسے اچھی طرح چمچ کی مدد سے چاروں طرف پھیلائیں اور گرم ہونے دیں برتن کو، پھر اس میں مکئی کے دانے ڈال کر ہلائیں یہاں تک کہ وہ پھولنا شروع ہوجائیں

۔ جیسے ہی ایک بھی مکئی پھولتی ہے آپ اس پر ڈھکن لگا دیں اور کپڑے سے پکڑ کر بند دیگچی کو ہلائیں، اسکے بعد ڈھکن ہٹا کے چمچ چلائیں۔ جب وہ اچھے سے پھول جائیں تو انہیں چولہے سے اتار دیں

پاپ کارن رنگنے کیلیئے:

۔ چولہے پر ایک برتن رکھیں اور اس میں آدھا گلاس پانی اور چینی ڈال کے اسے پکائیں اور چاشنی بنالیں اسکی۔ جب چاشنی بن جائے تو اس میں آدھا چمچ لیموں کا رس شامل کر کے مزید 2 سے 3 تک چمچ چلائیں، پھر اسے چولہے سے اتار کر 50 فیصد ٹھنڈا کرلیں، پورا ٹھنڈا نہیں کرنا

۔ اب الگ الگ پیالیوں میں مختلف فوڈ کلر کے کچھ قطرے ڈال کر ہر پیالے میں تھوڑی تھوڑی چاشنی شامل کریں

۔ جتنے کلر آپ استعمال کر رہی ہیں اتنے پیالوں میں تھوڑے تھوڑے پاپ کارن لیں اور اس میں رنگین چاشنی شامل کرکے اچھی طرح سے ہلا لیں

۔ مزیدار رینبو پاپ کارن تیار ہیں، بچوں کو کھلائیں اور خود بھی کھائیں