Moti Choor Kay Ladoo Recipe in Urdu

اجزاء:
بیسن------------------ 400گرام
اراروٹ------------- 2کھانے کے چمچے
سوجی---------- 2/1-1کھانے کے چمچے
رنگ کاٹ------------- چٹکی بھر
گھی------------ تلنے کے لئے
لڈو کے اجزاء:
دانہ---------------- 400گرام
چینی--------------- 400گرام
پانی------------------- 300گرام
زردے کا رنگ------------- چٹکی بھر
لیمن کلر--------------------------- چٹکی بھر
پسی جائفل جاوتری، الائچی-------------- 4/1چائے کا چمچہ
چار--------------- مغز 10گرام
بادام پستہ------------------ گارنش کے لئے

ایک پیالے میں 400گرام بیسن ، 2کھانے کے چمچے 2/1-1کھانے کے چمچے سوجی اور چٹکی بھر رنگ کاٹ ڈال کر اچھی طرح پھینٹ کر پتلا آمیزے تیار کرلیں۔ خیال رہے کہ گٹھلیاں نہ بنیں۔ایک کڑاہی میں گھی گرم کریں۔پھر باریک سوراخ والی چھلنی سے بیسن کو گھی کے اوپر جھٹکیں۔ اس سے بیسن کے باریک باریک دانے کڑاہی میں گریں گے۔ جب کڑاہی بھر جائیں تو اس میں مزید بیسن نہ ڈالیں۔ دانوں کو کڑک ہونے تک فرائی کریں۔ پھر انہیں نکال کر چھلنی پر ڈال دیں اور گھی خشک ہونے دیں۔

لڈو کی تیار ی:
دوسری کڑاہی کو ہلکی آنچ پر رکھ کر اس میں 400گرام چینی اور 300گرام کردیں۔رنگ کاٹ ڈالنے کے بعد جو میل اوپر آئے گا اسے نکال دیں۔ جب شیرے میں اُبال آئے تو اس میں دانہ شامل کرکے کچھ دیر تک پکائیں۔ جب آدھا شیرہ خشک ہوجائے تو اس میں چٹکی بھر لیمن کلر اور زردے کا اتنا رنگ ڈالیں کہ وہ پیلا ہوجائے اب دانے کو چیک کریں کہ وہ نرم ہوگیا یا نہیں۔ اگر نہیں تو تھوڑا سا پانی شامل کردیں۔ جب دانہ نرم ہوجائے تو اتنا پکائیں کہ پانی خشک ہوجائے اب اس آمیزے کو ٹرے میں نکال لیں۔
پھر اس میں 4/1چائے کا چمچہ جائفل جاوتری ، الائچی پاﺅڈر اور چار مغز ملا کر ٹھنڈا ہونے کے لئے چھوڑ دیں۔ جب نیم گرم ہوجائے تو ہاتھوں کی مدد سے مسل لیں اور ہاتھوں پر پانی لگا کر دبا دبا کر لڈو بنالیں۔تیار ہونے پر پستہ اور بادام سے سجاوٹ کرکے پیش کریں۔