kachori methi Recipe in Urdu

22594 Views 1 Comments

کچوری میٹھی

اجزاء:
میدہ 250گرام
گھی 30ملی لیٹر
چینی 250گرام
بادام کی گری 30گرام
پستہ 15گرام
کیوڑا کھانے کا ایک چمچہ

چاندی کے ورق چار عدد
دودھ حسب ضرورت
گھی حسب ضرورت

ترکیب:

میدے میں 30ملی لیٹر گھی گرم کر کے ملا لیجئے اور ذرا سا نمک ملا کر دودھ سے سخت گوندھ لیجئے ۔ یہاں تک کہ ملائم ہو جائے۔ آدھے گھنٹے بعد اس میدے کے چھوٹے چھوٹے پیڑے بناکر چوکور شکل میں بیل لیجئے۔ چینی میں تھوڑا سا پانی ڈال کر چولہے پر چڑھا دئیے اور اس کا گاڑھا شیرہ تیار کر کے اس میں کیوڑا ملا کر رکھ لیجئے۔ بیلے ہوئے چار ٹکڑے لے کر انہیں اوپر تلنے کیلئے رکھیے اور چاروں ٹکڑوں کو انگلیوں کی مدد سے چاروں طرف سے دبا کر بند کر دیجئے۔ اسی طرح باقی میدے کی کچوریاں بنا لیجئے۔فرائی پین یا کڑاہی میں گھی ڈال کر گرم کیجئے اور نرم آنچ پر ان کچوریوں کو تل لیجئے۔ سرخ ہو جائیں تو کچوریاں نکال کر شیرے میں ڈالتے جائیے۔ ایک گھنٹہ بعد نکالیے۔ بادام اور پستہ کاٹ کر چھڑک دیجئے اور ٹھنڈی ہو جانے پر چاندی کے ورق لگا دیجئے۔نہایت لذیذ میٹھی کچوریاں تیار ہیں۔

Posted By: ~Sani~, karachi

Find out the kachori methi Recipe in Urdu this is the most easy and traditional cooking recipe in all the Iftar Items. kachori methi is very famous in desi people. At KFoods you can find kachori methi and all the urdu recipes in a very easiest way.