Cake Without Oven Recipe in Urdu

Cake Without Oven

بغیر اوون کے کیک

اجزاء:
بیکری کے کیک تو بہت کھائیں ہوں گے، اب گھر میں خود بغیر اوون کے کیک بنانے کی کوشش بھی ایک دفعہ کرلیں، کیا پتہ آپ کے گھر والے آپ کے ہاتھوں کا بنا کیک کھا کر بازار کے کیک کھانا بھول جائیں! تو اب ناشتہ ہو یا شام کی چائے اپنی پسند کا کیک بنائیں گھر والوں کا دل جیتیں!
ایک کھلے منہ کا پیالہ لیں اس میں دو بڑے چمچ گھی یا مکھن دونوں میں سے کوئی بھی ایک چیز ڈالیں اور ڈیڑھ کپ پسی ہوئی چینی ڈال کر اچھی طرح پھینٹیں۔
• اگر آپ ہاتھ سے پھینٹ رہی ہیں تو کم ازکم آٹھ منٹ تک پھینٹیں۔
• پھر دو انڈے، ایک چمچ ونیلا ایسنس شامل کریں اور تین کپ میدہ چھنی سے چھان کر ڈالیں اور مزید بیس منٹ تک لازمی پھینٹیں، تاکہ مرکب نرم ملائم ہوجائے۔
• سلور اسٹیل کا کھلے منہ کا ایک پیالہ لیں اس میں چاروں طرف گھی لگائیں، اور میدے کا مرکب اس میں ڈالیں اور اچھی طرح پھیلا لیں، آپ چاہیں تو اس میں اوپر سے تین سے چار کشمش، ہری لال اشرفیاں یا بچوں کی پسندیدہ چاکلیٹ کے چند ٹکڑے بھی ڈال سکتی ہیں۔
• ایک بڑی دیگچی کو چولہے پر رکھیں اس کے اندر ایک چھوٹا ڈھکن رکھیں اور ڈھکن کے اوپر میدے کا پیالہ رکھ کر بڑے ڈھکن سے دیگچی کو ڈھکیں اور پچیس سے تیس منٹ پکنے دیں۔
• مقررہ وقت کے بعد جب آپ کھولیں گی تو آپ خود دیکھیں گی کہ کتنا نرم ملائم کیک تیار ہوجائے گا۔

خصوصی ٹپس:
1. کیک کو درمیانی آگ پر پکائیں، اور بیچ بیچ میں ڈھکن ہٹا کر نہ دیکھیں، بلکہ بیس منٹ بعد ہی دیکھیں، اور سائیڈ میں چھری سے کاٹ کر دیکھ لیں کہ پک گیا ہے یا نہیں۔
2. آپ چاہیں تو میدہ ڈالنے کے ساتھ ہی کوکو پاؤڈر کا استعمال کرلیں اگر آپ چاکلیٹ فلیور بنانا چاہتی ہیں۔ لیجئیے تیار ہے بغیر اوون کا ذائقہ دار کیک!

Posted By: Syeda Kiran Zahra , Karachi

Find out the Cake Without Oven Recipe in Urdu this is the most easy and traditional cooking recipe in all the Sweets & Cakes. Cake Without Oven is very famous in desi people. At KFoods you can find Cake Without Oven and all the urdu recipes in a very easiest way.

Cake Without Oven

Cake Without Oven in Urdu is an easy and traditional cooking recipe to prepare at home. It provides you an awesome taste of Sweets & Cakes.

مزید مٹھائیاں اور کیک ریسیپیز

Reviews & Comments

Leave Comment