بریڈ رول
اجزاء:
•ڈبل روٹی کے سلائس_____ 6 سے 8 عدد
•بھرنے کا مصالحہ_____ 1 پیالی
•کوکنگ آئل_____ تلنے کے لیے
•آلو (ابال کر بھرتہ کیے ہوئے) _____ 2 عدد
•نمک_____ حسب ذائقہ
•کالی مرچ (موٹی کٹی ہوئی) _____ آدھ چائے کا چمچ
•ہرا دھنیا (باریک کٹا ہوا) _____ 2 کھانے کے چمچ
•پودینہ (باریک کٹا ہوا) _____ 1 کھانے کا چمچ
•ہری مرچیں (باریک کٹی ہوئی) _____ 1 سے دو عدد
•قیمہ_____ 200 گرام
•نمک_____ حسب ذائقہ
•ادرک لہسن پسا ہوا_____ 1 چائے کا چمچ
•لال مرچ پسی ہوئی_____ آدھ چائے کا چمچ
•ہلدی پسی ہوئی_____ 1 چوتھائی چائے کا چمچ
•سفید زیرہ_____ آدھ چائے کا چمچ
ترکیب:
ڈبل روٹی کے سلائس کو ایک ایک کر کے چار سے پانچ منٹ کے لیے پانی میں بھگو دیں-
دونوں ہاتھوں کے بیچ میں ایک ایک سلائس رکھ کر اچھی طرح دبا کر پانی نچوڑ لیں-
آلو کا بھرتہ بنانے کے لیے تمام مصالحے آلو میں اچھی طرح ملا کر دس سے پندرہ منٹ کے لیے فریج میں رکھ دیں-
بھنا ہوا قیمہ بنانے کے لیے قیمے میں تمام مصالحے ڈال کر درمیانی آنچ پر ڈھک کر اتنی دیر پکائیں کہ قیمے کا اپنا پانی خشک ہو جائے-
ڈبل روٹی کے سلائس کے درمیان میں ایک کھانے کا چمچ آلو کا بھرتہ یا بھنا ہوا قیمہ رکھ کر دبا دبا کر رول کی شکل میں بند کر لیں- پھر آدھا گھنٹہ فریج میں رکھ دیں-
کڑاہی میں درمیانی آنچ پر تین سے پانچ منٹ تک کوکنگ آئل کو گرم کر کے بریڈ رول گولڈن فرائی کر لیں-
Posted By: samira, Mirpurkhas
Add Your Recipe