Tez Pat Ke Fayde

تیز پات کا ایک پتہ آپ کی صحت کے لئے کتنا مفید ہے؟ جانیں اس کے زبردست فوائد جو آپ کو کئی بیماریوں سے نجات دلانے میں مفید ثابت ہو سکتے ہیں
ذائقہ دار کھانوں میں تیز پات تو نظر آتا ہی ہے اور ہر کوئی ان کو ذائقہ بڑھانے کے لئے استعمال تو کرتا ہے مگر جب کھانا کھاتے ہیں تو ان کو چن چن کر نکال باہر کرتے ہیں اور پھر یہ بیچارے کچرے کے ڈھیر میں ہی جاتے ہیں۔
اگر آپ کو معلوم چل جائے کہ ان تیز پات کی قدرتی افادیت کیا ہے اور کتنی ہے تو آپ کبھی ان کو یوں پھینکنے کے بارے میں نہیں سوچیں گے۔مہنگائی کے اس دور میں گھر میں موجود ہر چیز کے بارے میں مکمل معلومات آپ ضرور رکھیں تاکہ ان کی افادیت سے خود بھی فائدہ اٹھائیں اور اپنے گھر والوں کی صحت کو بھی بڑھائیں۔۔۔۔۔

تیز پات میں موجود اجزاء:
صرف ایک تیز پات میں صفر ملی گرام کولیسٹرول اور کوبالمن، 23 گرام سوڈیم، 529 ملی گرام پوٹاشیئم، 75 گرام کاربوہائیڈریٹ، 26 گرام ڈائٹری فائبر، 8 گرام پروٹین، 83 فیصد کیلشئیم اور وٹامن اے، سی، ڈی، بی 6 پائے جاتے ہیں جو اس کو فائدہ مند بنانے میں اہم ہیں۔

فوائد:
• تیز پات دیگر مصالحوں کی طرح اینٹی بیکٹریل اور اینٹی جراثیم کش ہے۔ اکثر ہاتھوں اور پیروں کے ناخنوں میں فنگس لگ جاتی ہے یا پھر سخت جوتے پہننے کی وجہ سے ناخن پیلے ہونے لگتے ہیں جو تکلیف دہ ہوتے ہیں۔ ایسے میں آپ ایک تیز پات کو ناخن پر رکھیں اور اس کے اوپر ایک کپڑا باندھ کر چھوڑ دیں۔ آپ دیکھیں گے کہ اس سے درد بھی کم ہوجائے گا اور آپ کے پیلے ناخن بھی تھوڑے ہی عرصے میں ٹھیک ہوجائیں گے۔
• یہ سر درد کو کم کرنے کے لئے بھی اہم ہیں ۔ اس لئے کبھی سردردہو تو تیز پتے کی چائے پی لیں۔
• پیٹ خراب ہو تواس کا پاؤڈر پانی کے ساتھ پی جائیں۔
• تیز پتے کا تیل الرجی، جلد کے امراض اور چہرے کے دانوں کے لیے اچھا ہے۔
• یہ ہماری دماغی صلاحیت کو بھی تیز کرتا ہے۔
• اس میں شامل پوٹاشیم آپکے بلڈ پریشر اور دل کی دھڑکن کو قابو میں رکھتا ہے-
• چونکہ اس میں آئرن بھی ہے تو یہ آپ کے خون میں لال خلیے بناتا ہے-
• اس میں لورک تیزاب کی خصوصیت پائی جاتی ہیں اس لئے جہاں کیڑے نے کاٹ لیا ہو اور آپ کو درد ، جلن ہو تو اس کا پیسٹ لگالیں۔
• یرقان میں جگر دباؤ کا شکار ہوتا ہےاور تیز پات کا استعمال جگر کو اس دباؤ سے بچاتا ہے-
نوٹ : یہ ایک عام معلومات ہے مزید معلومات کے لیے ڈاکٹر سے رجوع کریں۔