Seeny Ki Jalan Ka Ilaj

بقرعید کے دن ہیں اور ان دنوں میں ہم ایسے پکوان کھاتے ہیں جن کی وجہ سے اکثر ہمارا پیٹ خراب ہو جاتا ہے اور پھر ہمیں بدہضمی، پیٹ درد، سینے کی جلن اور قبض جیسے مسائل کا سامنا کرنا پڑتا ہے۔
ایسے میں آج ہم آپ کے لئے لائے ہیں ڈاکٹر بلقیس کا بتایا ہوا ایسا خاص نسخہ جس کے استعمال سے ہو جائے ان تمام مسائل کا فوری خاتمہ اور آپ کر سکیں گے عید کے یہ دن بھرپور انجوائے کیونکہ بار بی کیو اور دعوتوں کا سلسلہ تو ابھی جاری رہے گا۔
تو چلیں جان لیتے ہیں وہ کونسا جادوئی نسخہ ہے جو آپ کو پیٹ کے ان مسائل سے فوری نجات دِلا سکتا ہے۔

سینے کی جلن اور قبض کا گھریلو علاج
اس کے لئے آپ کو چاہیئے آملہ، چھوٹی ہر اور اسپغول کی بھوسی، سب سے پہلے چھوٹی ہر کو دیسی گھی میں پکا کر پھِلا لیں، جیسے ہی یہ پھول جائے تو چولہا بند کر دیں، اب اسے پیس کر پاؤڈر بنا لیں، اب آملہ کا بھی پاؤڈر بنا لیں، اب ایک جار میں آملہ کا پاؤڈر، اسپغول کی بھوسی اور چھوٹی ہر کے پاؤڈر کو ہم وزن مقدار میں لے کر ملا لیں، اب دن میں دو مرتبہ یا تو پانی میں یا دودھ میں اس کا آدھا چائے کا چمچ گھول کر پی لیں۔
سینے کی جلن، قبض سے مکمل اور با آسانی نجات مل جائے آپ اس سفوف کو بنا کر رکھ سکتے ہیں اور جب ضرورت ہو اس کا استعمال کر سکتے ہیں۔