Kitchen Se Chiknai Ke Dagh Saaf Karne Ka Tarika

کچن سے چکنائی کے ضدی داغوں کی صفائی کا طریقہ
کچن کو صاف رکھنا بعض دفعہ بہت مشکل ہو جاتا ہے جیسے کہ روزمرہ کی استعمال ہونے والی چیزوں سے تیل کی چکنائی کو ختم کرنا نہایت ہی مشکل کام ہے جس سے ہر کوئی گھبراتا ہے ۔ اس کے علاوہ بہت سے طریقے استعمال کرتاہے مگر زیادہ فرق نہیں اور ان سے وقت اور پیسہ بھی ضائع ہوتا ہے ۔
ان چکنے اور ضدی داغوں کو ختم کرنے کے لئے آسان ترکیب بتائی جارہی ہیں جن پر عمل کرکے آپ اپنے کچن کو چکنائی سے صاف رکھ سکتے ہیں ۔
اپنے چولہے، کچن ٹیبل یا کاﺅنٹر پر لگے چکنائی کے داغ صاف کرنے کے لیے سفید سرکے اور پانی کی یکساں مقدار سے بنے محلول میں ایک کپڑا بھگو کر پھیردیں۔
اپنے معمول کے برتن دھونے والے لیکوئیڈ میں تین سے چار چائے کے چمچ سفید سرکے کا اضافہ کرنے سے اس کی چکنائی صاف کرنے کی صلاحیت میں اضافہ ہوگا۔
اسٹیل کے برتنوں پر لگی ضدی چکنائی کو صاف کرنے کے لیے ان میں ایک کپ سرکے اور پانی کو ابال لیں۔
برتنوں سے چکنائی کو صاف کرنے کے لئے پانی میں 1/4کپ سرکہ شامل کرلیں ۔ پھر اپنے برتنوں اور دوسری کچن کی اشیاء جن پر چکنائی لگی ہے پانچ سے دس منٹ کے لئے لگا کر چھوڑ دیں ، تھوڑی دیر بعد صاف کرلیں ۔
اگر آپ کچن کے کیبنٹ کو صاف رکھنا چاہتے ہیں تو تھوڑا سا لیکویڈ والے صابن کو گرم پانی میں مکس کرکے اپنی لکڑی کے کیبنٹ کو صاف کریں ۔