khwateen Ke Masail Door Karne Wali Tea

کیا آپ بھی مینو پازکی وجہ سے ڈپریشن کا شکار ہورہی ہیں۔ ڈاکٹر بلقیس کی بتائی ہوئی ہربل چائےان تمام مسائل کا بہترین علاج۔
خواتین کے کچھ مخصوص مسائل ہیں جن کی وجہ سے وہ بہت پریشان رہتی ہیں ایسے میں اچھے معالج کو ڈھونڈنا اور پھر ان سے مہنگے مہنگے علاج کروانا ہر کوئی برداشت نہیں کر پاتا۔ایسے میں اگر کچھ گھریلواور آسان علاج پتہ چل جائے تو اس سے اچھی کیا ہی بات ہے۔ خواتین کے انہی مسائل کو دیکھتے ہوئے ہم مینوپاز یا مخصوص ایام کی بے قاعدگی کا بہت آسان نسخہ لے کر آئے ہیں۔ جو کہ ڈاکٹربلقیس شیخ نے بتایا ہے"ان کا کہنا ہے کہ مینو پاز شروع ہونے والا ہے،یا مخصوص ایام میں بےقاعدگی ہو گئی ہےوہ بہت زیادہ ہو رہے ہیں یا بہت کم ہو رہے ہیں تو ان کے لئے یہ بہت عمدہ اور آسان حل ہے۔ لیکن یہ نسخہ مخصوص ایام سے پہلے یا بعد میں استعمال کریں اس کے دوران روک دیں ۔

نسخہ /علاج
1۔ ۔گاجر کے بیج ایک چتکی(تین انگلیوں میں جو آجائے)لے کر اس کو نہار منہ کھا لیں اس کے بعد آدھے گھنٹے تک کوئی چائے یا کافی نہیں پینی۔ یہ سب سے آسان علاج ہے۔

نسخہ نمبر2
پانی 2/1 1 کپ (ڈیڑھ کپ)
گاجر کے بیج ایک چٹکی
کاسنی کے بیج ایک چٹکی
کلونجی ایک چٹکی
سونف ایک ٹی اسپون
یہ تمام اجزاء ایک پین میں ڈال کر 5 منٹ تک ڈھک کرابال لیں،5 منٹ بعد چولہا بند کردیں۔ ایک کپ میں ادرک ایک انچ کا ٹکڑا،پودینے کے چند پتے ڈالیں اور اس میں یہ قہوہ ڈال کر پی لیں۔ یہ ہماری ایچ آر ٹی (ہارمون ریپلیسمنٹ )چائے تیار ہے ۔ اس کو سال دو سال بھی پیا جا سکتا ہے۔اس کے کوئی سائیڈ افیکٹس نہیں ہیں۔