Honton Ko Phatnay Se Bachane Ka Tarika

پوری سردی ہونٹ نہیں پھٹیں گے۔۔ ڈاکٹر بلقیس نے ہونٹوں کی حفاظت کے لئے بتایا سستا اور آسان ٹوٹکہ

موسم بدلتے ہی ہونٹ پھٹنے کا مسئلہ کچھ لوگوں کے لئے شدت اختیار کرلیتا ہے۔ دراصل ہونٹوں کی جلد بہت نازک ہوتی ہے۔ وہ لوگ جو خشک جلد کے حامل ہوتے ہیں ان کے تو ہونٹوں سے خون بھی رسنے لگتا ہے۔ آج ہم آپ کو اس مسئلے سے نجات کا سستا اور آسان ٹوٹکہ بتائیں گے جسے گھر میں بڑوں کے علاوہ بچے بھی آسانی سے استعمال کرسکتے ہیں۔

بنانے کا طریقہ

ڈاکٹر بلقیس نے اپنے وی لاگ میں بام بنانے کا کافی آسان طریقہ بتایا ہے جس میں ڈالنے والی چیزیں بھی گھر میں ہی موجود ہوتی ہیں۔ ایک کھانے کا چمچ ویسلین لیں اور اسے فرائی پین میں پگھلائیں۔ یاد رکھیں ویسلین خوشبو دار نہ ہو۔ اب اس میں ایک چمچ لوکی کے بیج کا تیل ڈالیں اور ایک چمچ شہد ڈال کر پین کی آنچ ہلکی کردیں۔ اس مکسچر کو ملاتے جائیں۔
اگر بام میں کلر لانا چاہتے ہیں تو اچھی معیاری لپ اسٹک کا چھوٹا سا ٹکڑا ڈال کر اس مکسچر میں حل کر لیں۔ تھوڑی دیر میں مکسچر گاڑھا ہوجائے گا اب اسے ٹھنڈا کر کے کسی شیشی میں جما لیں۔ جب بھی ضرورت ہو اس بام کو لگا لیں۔ اس سے ہونٹوں کو نمی ملے گی اور خشکی سے نجات ملے گی۔