Dil Ki Dharkan Ka Ilaj

دل کی دھڑکن تیز ہو جاتی ہو، گبھراہٹ، بے چینی ، کوئی بھی اچھی یا بری خبر سننے پر دل بیٹھنے لگتا ہے تو دل کو تقویت دینے کے لئے استعمال کیجیے ڈاکٹر عیسٰی کا آسان نسخہ
کچھ لوگوں کو یہ بیماری ہو تی ہے کہ ان کے دل کی دھڑکن بہت تیز ہوتی ہے ، جبکہ کچھ کے ساتھ ایسا کبھی کبھار ہی ہوتا ہے کہ اگر کوئی اچھی بری خبر سن لیں تو دل گھبرانے لگتا ہے۔ دل زور زور سے دھڑکنے لگتا ہے ۔اینزائٹی ہو جاتی ہے۔ یا اسی قسم کی دوسری علامات ہوتی ہیں تو ان کی اس بیماری کے لئے قدرتی اجزاء میں سے ہی بہت آسان حل لے کر آئے ہیں۔ تربوز آج کل ہر گھر میں موجود ہوتا ہے ، ڈاکٹر عیسٰی نے تربوز کے بیج سے اس بیماری کا آسان علاج بتا دیا۔
خالص عرقِ گلاب آدھا کپ
تربوز کے بیج 1 کھانے کا چمچ
عرقِ گلاب میں تربوز کے بیج ڈال کر رات بھر کے لئے بھگو دیں۔ صبح نہار منہ اس عرق گلاب کو پی لیں اور اس میں سے بیج نکال کر کھا لیں۔ یا پھر صبح شام ایک ایک چائے کا چمچ بھی اسے کھا سکتے ہیں۔ یہ ایک ایسا بہترین علاج ہے کہ جس کی تاثیر دیکھ کر آپ حیران رہ جائیں گے۔ اس کے استعمال کے کچھ ہی عرصے میں آپ کو واضح فرق نظر آنا شروع ہو جائے گا۔ عرقِ گلا ب کے بارے میں ایک بات کا خیال رکھیں کہ یہ خالص ہو ۔ اس کے خالص ہونے کی ایک نشانی یہ ہے کہ اس میں سے خوشبونہیں آتی، جب بوتل کو ناک کے بالکل قریب لے کر جائیں گے تو اس کی ہلکی ہلکی خوشبو آئے گی ورنہ بوتل کھولتے ہی اگر خوشبو اڑنے لگتی ہے تو اس کو مطلب ہے کہ یہ خالص نہیں ہے۔ تو اس دوا کو بنانے کے لئے ضروری ہے کہ عرقِ گلاب بالکل اصلی ہو۔ اس دوا کو کھانے سے آپ کے دل کو تقویت ملے گی۔ دھڑکن نارمل ہو گی۔ اور آپ کی طبیعت ہشاش بشاش ہو جائے گی ۔ دل اللہ تعالی کی ایسی نایاب تخلیق ہے جو کہ ایک منٹ میں 72 دفعہ دھڑکتا ہے۔ اس کے ایک دفعہ دھڑکنے میں یہ پمپ کر کے پورے جسم کو خون کی اور آکسیجن کی فراہمی کو یقینی بناتا ہے ۔ گوشت اور خون کا یہ لوتھڑا اگر ایک منٹ کے لئے دھڑکنا بھول جائے تو انسان موت کے منہ میں چلا جاتا ہے۔ اس کی کارکردگی کو درست رکھنے میں یہ چھوٹا سا نسخہ بہت کارآمد ثابت ہوتا ہے۔