Bawaseer Ka Asan Gharelu Ilaj

خونی اور بادی بواسیر کا علاج ۔ ڈاکٹر عیسٰی کے بتائے ہوئے نسخے سے بواسیر کا علاج ہوا ممکن۔
بواسیر ایک بہت تکلیف دہ مرض ہے ،اس کا علاج بھی خاصا طویل ہوتا ہے اور اکثر اس کے علاج میں ناکامی کے بعد اس کا آپریشن بھی کروایا جاتا ہے۔
آپ کی اسی پریشانی کو دیکھتے ہوئے ہم ڈاکٹرعیسٰی کا بتایا ہوا ایک بہت ہی آسان نسخہ آپ کے ساتھ شئیر کر رہے ہیں ، جو کہ اگر باقاعدگی سے استعمال کیاجائے تو اس مرض سے نجات ممکن ہے۔ لیکن اس مرض سے نجات پانے کے لئے کچھ پرہیز کرنا لازمی ہیں۔ اس کے لئے سرخ گوشت جیسے گائے اور بکرے کا گوشت ،سی فوڈ، سے اجتناب کریں۔ رات کو کھانا کم کھائیں۔ اس کے ساتھ اس نسخے کا استعمال کریں۔
آملہ پاؤڈر 50 گرام
نیم کا پاؤڈر 50 گرام
مسٹرڈ آئل یا سرسوں کاتیل 50 ایم ایل
آملہ پاؤڈر اور نیم کا پاؤڈر ہم وزن لے کر پیس لیں۔اب اس پاؤڈر کو صبح اور شام ایک چوتھائی چائے کا چمچ کھا لیں اور پانی پی لیں۔۔ پانی کا استعمال زیادہ کریں۔ یہ نسخہ بادی اور خونی دونوں طرح کی بواسیر میں استعمال کیا جاسکتا ہے۔ اگر خونی بواسیر ہو تواس کے لئے ایک چیز کا اور اضافہ کر لیں۔
گلِ انار کا پاؤڈر آدھا چائے کا چمچ صبح اور شام کھائیں۔
گلِ انار کی یہ خصوصیت ہے کہ کہیں بھی کسی بھی وجہ سے خون آ رہا ہو اس پاؤڈر کے کھانے سے وہ رک جائے گا ۔
بواسیر کی وجہ سے اکثرمتاثرہ مقام پر مسے ہو جاتے ہیں ۔ ان مسوں کے لئے سرسوں کا تیل 50 ملی لیٹر لے لیں ،اس کو ایک پین میں ڈال کر چولہے پر چڑھا دیں، اب اس کے ساتھ اس میں آملے اور نیم کا بنایا ہوا پاؤڈر اتنا ڈالیں کہ وہ گاڑھا پیسٹ بن جائے۔ اب اس پیسٹ کو چولہے سے اتار کر ٹھنڈا کر کے کسی کنٹینر میں بھر لیں۔ دن میں ایک سے دو دفعہ مسوں پر لگائیں،انشاء اللہ اس سے فائدے ہوگا اور تکلیف دور ہو جائے گی۔ مسے ختم ہو جائیں گے۔